Wasiirka Warfaafinta XFS oo maanta Xafiiskiisa ku qaabilay Fanaanada Nagruuma iyo Luul Cali Xasan “SAWIRRO”

0
1798

Wasiirka Wasaarada Warfaafinta, Dhaqanka iyo Dalkiisa iyo Masuuliyiinta kale ee Wasaaradda Warfaafinta ayaa soo dhaweeyey Fanaanad Faadumo Cali Jaamac Nagruuma iyo Luul Cali Xasan oo kamid aheyd Wariyaashii hore ee kasoo shaqeeyey Radio Muqdisho.

Intii uu socday kullanka lagu soo dhaweynayey oo sidoo kale ay ka qeyb galeen Madaxda Kooxda Fanka ee Waabari iyo Faniin intaba ayaa waxaa ay ka sheekeeyeen xiliyadii kala duwaanaa ee ay soo mareen waxaana ay sheegeen inay aad ugu hiloobeen dalkooda oo mudo badan banaanka ka joogeen.

C/kariim Faraax Qaarey Maareeye ku xigeenka Tiyaatarka Qaranka ayaa sheegay in tani muhiim gaar ah u leedahay Wasaaradda Warfaafinta Soomaaliya.

Fanaanada Qaranka Faadamumo Cali Nagruuma ayaa dhankeeda sheegtay inay Mudo badan ku maqneyd dalka dibadiisa balse ayaad ugu faraxsan tahay inay maanta ku sugan tahay Xarunta Wasaaradda Warfaafinta ee Soomaaliya.

“Ujeeda aan u nimid waa in aan dadkeena tusno in dalkeenu nabad yahay waxaana allah ka baryaa dalkeena oo wanaagsan iyo Soomaaliya oo dadkeedu iswada raacsan yahay”

Luul Cali Xasan oo kamid aheyd Haldooradii Radio Muqdisho ayaa sheegtay in aan marnaba farxadeeda laqiyaasi karin ayna joogto meeshii ugu horay ay shaqo ka bilow mudo kadib.

Wasiirka Warfaafinta, Dhaqanka iyo Dalxiisa C.raxmaan Cumar Cismaan oo soo dhaweeyey Fanaaniinta ayaa tilmaamay inay aad u soo dhaweynayaan Faaduma Nagruuma iyo Luul Cali kuwaas oo mudo badan aanan arkin Soomaaliya balse hadda jooga gaar ahaan Xaruntii ay ka howlgali jireen.

“Waxaan idinku soo dhaweynaa Wasaaradda Warfaafinta oo aad shaqo badan kasoo qabateen xiligii aad ka shaqeyn jirteen, waxaad soo marteen waqti badan aad u wanaagsan balse waxaa dhacay dhibaato badan hadana waxaan ku soconaa wadadii aan kaga soo kabso laheyn, waxaana rajeyneynaa in aad qeyb ka qaadataan arrintaas.

intaas kadib Faadumo Cali Jaamac iyo Luul Cali Xasan ayaa soo arkay qeybta Keydka ee Radio Muqdisho iyo qeybaha kale ee Radio Muqdisho iyo Tv-ga Qaranka.

 

 

Did you like this? Share it:

LEAVE A REPLY

Please enter your comment!
Please enter your name here