Wasiirka Warfaafinta XFS oo Muqdisho ka Furay Shirka Horumarinta Wakaaladda Fillimada Soomaaliyeed “Sawirro”

Kulankaan Aqoon Isweydaarsiga ah oo uu furay Wasiirka Wasaaradda Warfaafinta Xukuumadda Federaalka Soomaaliya ayaa looga hadlay  siddii loo Horumarin lahaa Wakaaladda Filimada Soomaaliyeed iyo Faaf reebka  Filimada, waxaana uu socon doonnaa kulankaan muddo labo maalin ah.

 

Furitaanka Kulanka ayaa Waxaa ka soo Qeyb  Galay Wasiirka Wasaaradda Warfaafinta Xukuumada Federaalka Soomaaliya, Agaasimaha guud ee Wasaaradda,  Agaasimaha Wakaaladda Filimada , Abwaano,  mas ‘uuliyiin ka Socday Xarumaha  Keybalada ka shaqeeya filimada,  aqoonyahano iyo marti sharaf kale.

Inta uu kulanka socday ayaa waxaa si weyn looga dooday muhiimadda wakaaladda filimada Soomaaliyeed ay leedahay iyo doorka ay ka qaadan jirtay horumarinta  filimada iyo faafreebka, waxaana laga hadlay in muhiim ay tahay in loo baahanyahay in la dardar galiyo  horumarinta wakaalada filimada soomaaliyeed.

Agaasimaha Wakaalada  Filimada Soomaaliyeed Mudane Salax Shire Shabeel  ayaa ka warbixiyay howlaha wakaaladda filimada Soomaaliyeed .

Agaasimaha guud ee wasaaradda warfaafinta xukuumadda Soomaaliya ayaa  Mudane C/raxmaan Yuusuf Alcadaala ayaa ka hadlay muhiimada ay wakaalada filimada u leedahay Bulshadda Soomaaliyeed.

Wasiirka Wasaaradda Warfaafinta Xukuumadda Federaalka Soomaaliya  Mudane Daahir Maxamuud geelle  ayaa sheegay in loo baahan yahay in la ilaaliyo xuquuqda filimada, si loo dhowro anshaxa filimada.

Ku Dhawaad Sodon Sano kadib Wasaaradda Warfaafinta Xukuumadda Federaalka Soomaaliya ayaa qaadeysa tallaabo dib boorka looga jafayo Wakaaladda Fillimada Soomaaliyeed, iyaddoo Wasaaradda ay diyaarineyso Sharciga Copyright-ka.

LEAVE A REPLY

Please enter your comment!
Please enter your name here