Wasiirka Wasaarada Cadaaladda Koofur Galbeed oo booqday xarunta Maxkamadda degmadda xuddur +Sawirro

Wafdigaan maanta sida wadajirka ah u soo kormeerey xarumo ay ka mid yihiin Maxkamada, Saldhiga Booliska iyo xabsiga magaalada oo burbur weyn ka muuqdo,ayaa waxa horkacayey Wasiirka Wasaarada Cadaalada iyo Garsoorka ee Maamulka Koofur Galbeed, Taliyaha
Ciidanka Asluubta Maamulkaasi iyo Maamulka Gobolka Bakool, waxana u jeedadooda aheyd in ay u kuurgalaan baahida cadaalada ee ka jirta degmada.

Ugu horeyn waxa ay booqdeen xarunta maxkamada degmada xuddur, waxana indhahooda ku soo arkeen garsoorayaashii oo geed hoostii dacwad
ku qaadeyso maadaama dhismo iyo dayactir midna helin xaruntii maxkamada gobolka, iyagoo kormeerkooda siiwata waxa ay indha indheeyeen shaqada ka soctay xafiiska.

Kormeerkooda ayaa waxay ku soo gabagabeeyeen xarunta xabsiga dhexe ee magaalada xuddur oo qeyb ka mid ah dhowaan dayactir lagu sameeyey wallow qeybo badan oo ka mid ah qeybtii haweenka aan weli dayactir helin taasoo sababtay in maxaabiistii xabsiga lagu hayo saldhiga booliska.

Guddoomiyaha Xafiiska dib u dhiska degmada xuddur Cabdirisaaq saajin iyo guddoomiye ku xigeenka gobolka bakool Cabdulaahi Maxamed Nuur ayaa waxay codsadeen in wax laga qabto maxkamada iyo xabsiga oo wadasheyn ka dhaxayso.

Taliyaha Ciidanka Asluubta Maamulka Koofur Galbeed Aadan Cali Axmed ayaa ugu baaqay udirey in la tayeeyo tababarana loo furo ciidanka asluubta ee degmadaasi, si ay ugutaan waajibaadka saran.

Wasiirka Wasaaradda Cadaaladda iyo Garsoorka Koofur Galbeed Maxamed Xuseen Xasan ayaa sheegey in qorshaha socdaalkooda ay qeyb ka tahay in maxkamadaha loo dhiso xarun ay ku shaqeeyaan, wuxuna intaasi ku darey in la qalabeyn doono dhamaan xafiisyada Maxkamada, Booliska iyo Xabsiga dhexe.

LEAVE A REPLY

Please enter your comment!
Please enter your name here