Wasiirka Wasaaradda Cadaaladda XFS oo kulan dhiira-galin ah la qaatay hawl-wadeenada dumarka ee wasaaradda Cadaaladda

Kulankaan oo qayb-ka ah kulamo joogto ah uu wasiirku bishiiba mar la qaato shaqalaha wasaaradda ayaa si gaar ah maanta waxuu kulan la qaatay dumarka shaqaalaha ka ah qaybaha kala duwan ee wasaaradda, sida agaasimayaasha waaxyada, madax qaybeedyada, kaaliyaasha, sharci-qorayaasha, iyo qareenada kaas oo uu ku dhiira-galiyay shaqada ay u hayaan wasaaradda, kuna amaanay doorkooda muga leh ee ku aadan arrimaha hormarinta garsoorka, cadaalad u samaynta bulshada, helista sharciyo u adeega dadwaynaha si gaar ah tix-galin u siiya inta dhibaateysan ee dumarku ka midka yahiin.

Dumarka wasaaradda ayaa wasiirka uga mahad-celiyay kaalintiisa ku aadan kor-u qaadida doorka dumarka ee shaqada garsoorka guud ahaan, gaar ahaan shaqaalaha wasaradda cadaalada, ayagoo si gaar ah uga mahad-celiyay in uu dhawaan laba dumar ah u dalacsiiyay darajada agaasime waax, oo aysan wasaaradu horay u lahayn, taas oo ka dhigan in dumarka haye xilalka sare sida agaasime waaxyada ay wasaaradda ka yahiin 50% marka raga loo eego. Sidoo kale waxay wasiirka uga mahad-celiyeed kor-u-qaadida aqoonta gabdhaha asagoo qoondo-fiican uga sameeyay deeqaha wax barasho ee loo qoondeeyay bahda garsoorka dalka, si loo helo dumar leh xirfada sharci-qorista, talo-bixinta arrimaha sharciyada, qaareenimada, garsoorida iyo adeegyada kale ee cadaalada.

Ugu danbeyntii kulanka wasiirka iyo shaqaalaha dumarka ah ee wasaaradda ayaa ku soo dhamaday talo ay dumarka shaqaalaha ahi u soo jeediyeen wasiirka oo ku aadan in uu sii laba-jibaaro awood-siinta dumarka ee dhanka shaqada iyo tix-galinta gaarka ah ee uu siiyo dumarka, si loo helo dumar leh kalsooni iyo xirfad aqooneed oo ay ugu adeegaan laanta garsoorka dalka oo qimayn la sameeyay lagu ogaaday in ay dumarku ku yaryahiin.

LEAVE A REPLY

Please enter your comment!
Please enter your name here