Wasiirka Wasaaradda Dastuurka XFS iyo Wafdi uu hoggaaminayo oo Magaaladda Jowhar gaaray

434

Wasiirka Wasaaradda Dasuurka Xukuumadda Federaalka Soomaaliya, Mudane C/raxmaan Xoosh Jabriil iyo Wafdi uu hoggaaminayo, ayaa Maanta gaaray Magaaladda Jowhar ee Xarunta Dowlad goboleedka Hirshabeelle, halkaasi oo si weyn loogu soo dhoweeyey.

Wafdiga wasiirka uu hoggaaminayo ayaa waxaa qeyb ka ah Guddoomiyaha Guddiga Dastuurka ee labada Aqal Baarlamaanka Jamhuuriyadda Federaalka Soomaaliya Mudane Cabdi Xasan Cawaale Qeybdiid iyo Masuulyiin kale, waxaana ujeedka Socdaalka Wafdigaan uu yahay in ay wadatashi kala sameeyaan Madaxda Maamulka Hir-Shabeelle dib u eegista Dastuurka dalka.

Wasiirka Wasaaradda Dasuurka Xukuumadda Federaalka Soomaaliya, Mudane C/raxmaan Xoosh Jabriil oo Warbaahinta la hadlay, ayaa sheegay in ay wadaan wada tashi ballaaran oo Maamulada dalka ka jira kala sameynayaan Arrimaha dib u  eegista dastuurka, isaggoo xusay inay tagi doonaan Dowlad goboleedyada kale ee dalka ka jira.

“Maanta waxaa soo booqanay Magaaladda Jowhar ee Caasimada Hirshabeelle, waxaa u nimid halkaan inaan wada tashi la sameynayo Madaxda Maamulka Hirshabeelle, sida Madaxweynaha, Madaxweyne Ku xiggeenka, Guddoonka Baarlamaanka iyo guddiyada ay quseeyso dastuurka” ayuu yiri Wasiir C/raxmaan Xoosh

 

Did you like this? Share it:

LEAVE A REPLY

Please enter your comment!
Please enter your name here