Wasiirka Wasaaradda howlaha guud Soomaaliya oo lagu soo dhaweeyey magaaladda dhusamareeb “SAWIRRO”

Wafdi balaaran uu hoggaaminayey Wasiirka Wasaaradda howlaha guud, dib u dhiska iyo Guryeynta Xukuumadda Federaalka Soomaaliya Mudane Maxamed Aadan Macalim ayaa maanta gaaray magaalada Dhuusamareeb ee xarunta dowlad goboleedka Galmudug.

Socdaalka Wasiirka oo ay ku wehlinayeen Mas’uuliyiin heer Federaal ah ayaa waxaa garoonka Diyaaradaha ee Ugaas Nuur ku soo dhaweeyay Wasiirka Wasaaradda Howlaha guud, Dib u Dhiska iyo Guriyeynta Galmudug Axmed Dhiblaawe Casir iyo Mas’uuliyiin kale.

Wafdiga ayaa waxaa loo galbiyay Madaxtooyada Galmudug, halkaasi oo uu kula kulmay Madaxweyne ku-xigeenka Galmudug Cali Daahir Ciid ahna ku simaha Madaxweynaha, waxaana ay halkaasi isku dhaafsadeen salaan iyo is xog wareysi kooban.

Ujeedka Wasiirka Wasaaradda howlaha guud, Dib u Dhiska iyo Guriyeenta ee Soomaaliya uu ku tegay Dhuusamareeb ayaa ah daah-furka Mashruuca dhismaha waddooyin iyo dib u dayactirka waddada laamiga ah, taas oo wajigeeda koowaad maanta laga dhagax dhigay magaalada Dhuusamareeb, isla markaana mitiraadkiisa koowaad ku eg yahay deegaanka Qaradhi ee Gobolka Galgaduud.

Wasiirka Wasaaradda Howlaha guud dib u dhiska, guriyenta ee Dowlad Goboleedka Galmudug Mudane Axmed Dhiblaawe Casir oo soo dhaweyn kadib warbaahinta kula hadlay Gudaha Madaxtooyada Galmudug ayaa dul istaagay muhiimada wafdiga Wasiirka u soo saareen Galmudug ay tahay hirgelinta Mashaariic horumarineed oo laga hirgelinayo Galmudug.

Dhinaca kale Wasiirka Wasaaradda howlaha guud, dib u dhiska iyo guriyenta Xukuumadda Soomaaliya Mudane Maxamed Aadan Macalim ayaa sheegay in la daahfuri doono wajiga koowaad ee Dhismaha waddooyinka iyo dib udhiska waddada laamiga, kaasoo ka bilaaban Doona magaalada dhuusamareeb.

 

LEAVE A REPLY

Please enter your comment!
Please enter your name here