Wasiirka Wasaaradda Waxbarashada Galmudug oo kormeeeray dhismaha Xarunta Wasaaradda Waxbarashada Galmudug.

Wasiirka Wasaaradda Waxbarashada Galmudug oo ay Wehliyaan Maamulka Dhuusamareeb ayaa booqdey halka uu ka soconayo mashruuca balaarinta xarunta dhexe ee Wasaaradda Waxbarashada oo ka koobnaan doona dhisme dhowr dabaq ah kaasi oo xafiisyo u noqonaya howl wadeenada iyo Masuuliyiinta Wasaaradda.

Mashruucan oo horaantiii sanadkan uu dhagax dhigey madaxweynaha Galmudug ayaa todobaadkan si rasmi ah loo bilaabey, iyadoo haatan la wado baneynta dhulkii hore u ahaa xafiiska Gobolka ee Wasaaradda maaliyadda halkaa oo laga rarey qoysas daganaa sida uu sheegay gudoomiyaha Dhuusamareeb Macalin Cabdiraxmaan Geedaqoroow.

Wasiirka Waxbarashada Galmudug Maxamed Xaashi Dhoore ayaa uga mahadceliyay cid kasto oo gacan ka geysatey suuragalinta bilaabashada mashruucan oo wasiirku sheegay in uu qayb ka qaadan doono tayada Waxbarashada Galmudug iyo bilicda Caasimada.

Mashruucan lagu dhisayo xafiistada Wasaaradda Waxbarashada Galmudug ayaa noqonaya kii ugu balaarnaa ee deegaan rasmi ah loogu yagleelo mid ka mid ah Wasaaradda Galmudug.

LEAVE A REPLY

Please enter your comment!
Please enter your name here