Wasiirka Waxbarashada Hirshabeelle Oo Daah Furay Imtixaanka Fasalka 12aad Ee Dugsiga Sare “SAWIRRO”

Waxaa si rasmiya maanta uga furmay caasimadda Dowlad Gobaleedka Hirshabeelle Jowhar Imtixaankii shahaadiga ahaa ee ardayda dugsiyada sare guud ahaan deegaanada Hirshabeelle.

Imtixaankani ayaa waxaa daaahfuray Wasiirka Waxbarashada ee dowlad Goboleedka Hirshabeelle Mudane Cabdullaahi Abuukar Xuseen  waxaana ka qayb galay arday tiradoodu gaareeyso 1,930, kun sagaal boqol iyo sodon.

Taliya Booliska Degmada Jowhar Maxamed Siyaad Cali Canjeex oo ardayda Imtixaanka u fadhiisaneysa bogoodiyay ayaa sheegay in ay howshooda ay si habsamile u gudan doonaan.

Shariif Khadar oo ka mid ahaa Mas’uuliyiin ka socotay Wasaaradda Waxbarashada Xukuumadda Federaalka Soomaaliya ayaa ku amaanay Wasaaradda Waxbarashada Hirshabeele sida ay u wada shaqeeyaan.

Wasiirka Waxbarashada ee dowlad Goboleedka Hirshabeelle Mudane Cabdullaahi Abuukar Xuseen oo goobta ka hadlay ayaa ardayda u rajeeyay inay ku guulestaan oo ay natiijo fiican ka gaaraan heerkooda waxbarashada, waxaana uu kula dar daarmay inay naftooda ku kalsoonaadaan.

LEAVE A REPLY

Please enter your comment!
Please enter your name here