Wasiirka Waxbarashada oo siminaar u furay macalimiin

2009

Wasiirka Waxbarashada, Hidaha iyo Tacliinta Sare ee Xukuumadda  Federaalka  Soomaaliya  Mudane Cabdiraxmaan Daahir Cismaan ayaa maanta siminaar socon doona shan maalin ugu  furay magaalada Muqdisho 25 Macalimiin oo ka kala yimiid Gobollada Dalka iyo Gobolka Benaadir.

Siminaarkan ayaa lagu bixinayaa casharo la xariira maareynta iyo qorsheynta tayada heerka Waxbarashada oo la siin doono guddoonada iyo kormeerayaasha Waxbarasho ee dalka.

Agaasimaha Guud ee Wasaaradda Waxbarashada, Hidaha iyo Tacliinta Sare Xasan Maxamed Cali ayaa kula dardaarmay  macalimiinta tababarkan qaadanaysa in ay ka faa’iideestan casharada la siinayo, ayna noqdaan kuwa u sii gudbiya ardayda ay waxbarayaan.

Wasiirka Waxbarashada Hidaha iyo Tacliinta Sare ee Xukuumadda  Federaalka Soomaaliya Mudane Cabdiraxmaan Daahir Cusmaan ayaa daahfuray siminaarkan, isagoo macalimiinta u rajeeyay in waxyaabaha ay ka faa’idaystaan in bulshada ay ku celin doonaan.

Dhanka kale Wasiirka Waxbarashada Soomaaliya Mudane Cabdiraxmaan Daahir Cismaan  oo ay Wehlinayeen madaxda Wasaaradda  ayaa  kormeer ku tegay Xabsiga Dhexe ee Xamar, iyadoo uu halkaasi ku soo dhaweeyey Taliyaha Ciidanka Asluubta Soomaaliyeed Sareeye Gaas Xuseen Xasan Cusmaan iyo Taliye ku xigeenkiisa.

Wasiirka Waxbarashada Cabdiraxmaan Daahir Cusmaan oo uu weliyo Taliyaha Ciidanka Asluubta ayaa kormeerey iskuulka ay wax ku bartaan maxaabiista ku xiran Xabsiga Dhexe ee Xamar, xiligaasi oo maxaabiista la siinayay cashiro la xariira taariikhda Dalka.

Wasiirka Waxbarashada Hidaha iyo Tacliinta Sare ee Xukuumadda  Federaalka Soomaaliya  Mudane Cabdiraxmaan Daahir Cusmaan ayaa ugu deeqay dhallinyarada maxaabiista ah ee wax ku barta Iskuulka Xabsiga dhexe agab waxbarasho.

Did you like this? Share it:

LEAVE A REPLY

Please enter your comment!
Please enter your name here