Wasiirka Waxbarashada XFS & Duqa Muqdisho oo xarigga ka jaray xarunta Waxbarashada Gobolka Banaadir+Sawirro

Wasiirka Wasaarada Waxbarashada hiddaha iyo tacliinta sare ee Xukuumadda Federaalka Soomaaliya mudane Cabdullaahi Goodax Barre iyo guddoomiyaha gobolka Banaadir ahna duqa magaalada Muqdisho Cumar Maxamuud Maxamed (Cumar Filish) ayaa xarigga ka jaray xarunta waxbarashada gobolka Banaadir oo muddo 30-sano kadib dib loo hirgaliyay taas oo qeyb ka noqon doonta xoojinta adeegyada wabarashada waxaana munaasabadda xarig jarka goobjoog ka ahaa hoggaanada daladaha waxbarasho ee dalka iyo mas’uuliyiin ka tirsan maamulka gobolka Banaadir.

Xaruntan cusub ayaa laga hirgaliyay degmada XamarWeyne iyadoo ay ka koobantahay dhowr qeybood oo bixin doonta adeegyada waxbarashada ee gobolka Banaadir si loo helo waxabarsho tayo leh oo bilaash ah iyo in laga baxo baahiyaha waxbarasho ee taagan.

Guddoomiyaha gobolka Banaadir ahna duqa magaalada Muqdisho mudane Cumar Maxamud Maxamed (Cumar Filish) ayaa sheegay in maamulkiisa ay ka go’an tahay in uu qeyb ka qaato horumatinta waxabarshada gobolka Banaadir.

Ugu mas’uuliyiinta ayaa kormeeray xafiisyada ay xaruntan ka kooban tahay waxeyna kula dardaarmeen madaxda xaruntani in ay dardar galiyaan horumarinta waxabarashada Caasimadda.

LEAVE A REPLY

Please enter your comment!
Please enter your name here