Wasiirka Waxbrashada XFS oo la kulmay xubno ka tirsan hay’adda Turkiga u qaabilsan horumarinta waxbarashada “Sawirro”

1132

September, 11, 2018:- Wasiirka  wasaaradda waxbarashada Hiddaha iyo Tacliinta sare ee Soomaaliya Mudane  Cabdulaahi Godax Barre ayaa maanta xafiiskiisa ku qaabilay madaxa hay’adda  Al-Ma’arif Foundation ee dalka Turkiga u qaabilsan arrimaha waxbarashada Soomaaliya Mustafa Yilmaz.

Kulankan ayaa waxaa goob joog ka ahaa  agaasimaha waaxda dugsiyada dowladda, xubno kale oo ka tirsan  wasaaradda waxbasharada hiddaha iyo tacliinta sare, sidoo kala kulanka waxaa goob joog ka ahaa xubno ka tirsan hay’adda Ma’arif Foundation.

Wasiirka Wasaaradda Waxbarshada Xukuumadda federaalka Soomaaliya Mudane Cabdulaahi Goodax Barre  ayaa sharraxaad ka siiyay madaxda hay’adda Al Ma’arif Foundation heerka waxbarashada dalka iyo isbedelka lagu sameeyay manhajka waxbarashada dalka.

Mudane Cabdulahi Goodax Barre ayaa u sheegay  xubnahan  in wasaaradda waxbarashada ay dadaal ugu jirto siddii kor loogu qaadi lahaa waxbarashada.

“Waxaan,wadnaa howlo aan ku dooneyno in aan kor ugu qaadno waxbarashada dalka iyo siddii dadka Soomaaliyeed ay u heli lahayeen waxbarasho tayo leh ,waxa aan rajeynayaa  in aad garab nagu siin doontaan’’ ayuu yiri wasiirka waxbarashada Soomaaliya.

Wasiirka waxbarashada Xukuumadda federaalka Soomaaliya Mudane Cabdulahi Goodax Barre  ayaa uga mahad celiyay dowladda Turkiga  dadaalada horumarineed ee ay ka wado dalka.

Madaxa hay’adda Ma’arif Foundation ee Soomaaliya  Mustafa Yilmaz ayaa ballan qaaday inay sii laba jibaari doonaan tageerada dhanka waxbarashada ee ay siiyaan ummadda Soomaaliyeed.

Did you like this? Share it:

LEAVE A REPLY

Please enter your comment!
Please enter your name here