Wasiirka xanaanada xoolaha oo la kulmay dhiggiisa dalka Imaaraadka Carabta+Sawirro

Wasiirka Xanaanada Xoolaha Soomaaliya ayaa la kulmay wasiirka Bii’ada iyo isbedelka Cimilada & Xoolaha ee dalka isutaga Imaaraadka(UAE).

Kulanka oo ka dhacay xarunta wasaaradda Bii’ada iyo isbedelka Cimilada & Xoolaha ee dalka isutaga Imaaraadka(UAE) ayaa looga hadlay arrimo la xiriira xallinta caqabado in dhaweyd la soo dersay dhoofinta xoolaha Soomaaliya iyo sikaashi dhexmara labada wasaaradood.

Labada wasaaradood ayaa ku heshiiyay in  xal laga gaaro sidii loo qaadi lahaa xanibaadda uu dalkaasi ku soo rogay xoolihii loo dhoofin jiray, waxaana  la isla dhisay guddi wadajir ah  oo ka kooban Soomaliya iyo Imaaraadka, kuwaasoo ka shaqayn doona sidii loo hirgalin nidaam wada-shaqayn, iyadoo la dhowraya tayada iyo shuruudaha wadanka wax loo dhoofinayo iyo nidaam koontorol iyo baaris oo Wasaarada X. Xoolahu kusoo rogi doonto dhamaan Maxjarada xoolahu ka dhoofaan ee Soomaliya.

Kulanka waxaa ka qayb galay danjiraha Soomaaliya u fadhiya Imaaraadka Cqaadir Shiikheey oo door firfircoon ka qaatay xalinta howshaas,dadaal dheeraad ahna u galay sidii loo xoojin lahaa xiriirka ganacsi ee labada dal.

Waxa sidoo kale goobjoog ka ahaa wakiillo kasocda Maxjarrada Muqdisho iyo Boosaaso iyo Dhakhaatiir xoolaha ah.

12744524_10205657814032824_170964033693277185_n pic1 pic2

 

 

LEAVE A REPLY

Please enter your comment!
Please enter your name here