Wasiiro iyo Maamulka Gobolka Banaadir oo daah furay banki cusub oo laga hirgeliyay Muqdisho “SAWIRRO”

Wasiiro ka tirsan Xukuumadda Federaalka Soomaaliya iyo Guddoomiyaha Gobolka Banaadir mudane Cumar Maxamud Maxamed (Cumar Filish) ayaa maanta xariga ka jaray Bankiga cusub ee AGRO Bank kaas oo qeyb ka qaadan doono dhiiragalinta wax soo saarka Dalka.

Munaasabad kooban oo lagu qabtay Muqdisho ayaa waxaaa ka qeyb galay Wasiiro ka tirsan Xukuumadda Soomaaliya, Maamulka Gobolka Banaadir, ganacsato iyo marti sharaf kale, waxaana isa soo taraya ganacsatada Soomaaliyeed ee ka qeyb qaadaneysa horumarada dhaqaale ee uu dalka ku talaabsanayo iyo maaligelinta ay ganacsatadu ku sameysaneyso magaalada Muqdisho.

Axmed Cabdi Xaalin Madaxa howlgelinta AGRO Bank ayaa sheegay in Bankigan ay shaqadiisu tahay Beeraha iyo dhiri gelinta wax soo saarka Dalka.

Guddoomiyaha rugta ganacsiga Soomaaliya Maxamuud Cabdikariin Gabeyre iyo Guddoomiye ku-xigeenka Bankiga Dhexe ee Soomaaliya Maryan Macalin ayaa sheegay inay la shaqeynayaan maamulka bankiga cusub.

Guddoomiyaha Gobolka Banaadir Mudane Cumar Maxamuud Cumar Filish ayaa tilmaamay in tani ay fursad u tahay hay’adaha kala duwan ee dalka, loona baahanyahay in gacansatada la dhiiri geliyo.

Wasiirka Beeraha Soomaaliya Mudae Saciid Xuseen Ciid iyo Wasiirka Ganacsiga  Eng Cabdullaahi Cali Xasan ayaa si wada jir ah u soo dhaweeyay ganacsatada ku dhiiratay hirgelinta bankigan cusub,

 

LEAVE A REPLY

Please enter your comment!
Please enter your name here