Wasiiro maanta xilalkooda cusub la wareegay

0
1529

Munaasabad ay xilalka kula wareegayeen Wasiirada cusub ee xukuumadda Soomaaliya oo kala ahaa Wasiirada Gaadiidka badda iyo Dekadaha, Wasiirka Qorsheynta iyo Iskaashiga Caalamigga iyo Wasiirka Shaqada iyo Arrimaha Bulshada taas oo maanta si kala gooni gooni ah ugu dhacday magaalada Muqdisho.

Wasiirada maanta si rasmi ah ula wareegay xilalkooda ayaa kala ah Wasiirka Gaadiidka badda iyo Dekadaha Mudane Muur Faarax Cali, Wasiirka Qorsheynta iyo Iskaashiga Caalamigga Mudane C/raxmaan Sheekh Yuusuf Cali Ceynte iyo Wasiirka Shaqada iyo Arrimaha Bulshada Mudane C/wali Ibraahim Muudeey, waxayna dhamaantood balan qaadeen in ay shaqada halkeeda ka sii wada doonaa isla markaana u mahadcelinayaan mas’uuliyiintii hore.

Wasiirada maanta la wareejiyay xilalka Wasaaradaha ayaa waxaa ay sheegeen in ay wax qaban muuqda ka sameeyeen Wasaaradaha isla markaana wax badan u harsan yihiin iyagoo Wasiirada xilalka ugu dambeynaayo kula dardaaramay in ay shaqada dardargeliyaan.

Munaasabadaha ay Wasiiradan xilalka kula wareegayeen ayaa qaarkood waxaa goob joog ka ahaa Hanti dhowrka guud ee Qaranka iyo mas’uuliyiin kale oo dowladda Soomaaliya ka tirsan.

Did you like this? Share it:

LEAVE A REPLY

Please enter your comment!
Please enter your name here