Wasiirrada cusub ee Wasaaradaha Gaashaandhigga, Dhallinyarada, Ganacsiga iyo  Boostada oo xilka la wareegay “SAWIRRO”

Ra’iisul Wasaare ku-xigeenka Xukuumadda Federaalka Soomaaliya Mudane Mahdi Maxamed Guuleed (Khadar) ayaa xilka u kala wareejiyey masuuliyiinta Wasaaradaha Gaashaandhigga, Dhalinyarada iyo Cayaaraha, Ganacsiga iyo Warshadaha, iyo Boostada iyo Isgaarsiinta.

Ra’iisul Wasaare kuxigeenka ayaa sheegay in xilku uu yahay qori isku dhiib qofba maalin meel gaarsiinayo, loona baahan yahay in horey loo sii ambaqaado shaqooyinka qaranka loo hayo.

Mudane Mahdi ayaa ku bogaadiyey Wasiirradii hore shaqooyinkii ay Qaranka u soo qabteen muddadii ay hoggaaminayeen Wasaaradahaas iyo doorkii muuqday ee ay ka qaateen horumarka iyo dib u soo kabashada dalka.

Sidoo kale waxa uu Wasiirrada cusub u rajeeyey in Alle u fududeeyo shaqadaa culus ee ay qaranka u qaadeen, isagoo si gaar ah ugula dardaarmay wasiirrada cusub inay xooga saaraan sidii loo horumarin lahaa wasaaradaha ay joogan.

LEAVE A REPLY

Please enter your comment!
Please enter your name here