Wasiiru dowlaha Arrimaha Dibadda oo waraaqaha aqoonsiga ka Guddoomay Wakiilka UNICEF ee Soomaaliya “SAWIRRO”

Wasiiru dowlaha Arrimaha Dibadda iyo Iskaashiga Caalamiga, Mudane Balal Maxamed Cusmaan, ayaa maanta oo Sabti ah kaga guddoomay xafiiskiisa Wasaaradda ee Caasimadda Muqdisho waraaqaha aqoonsiga wakiilka cusub ee UNICEF ee Soomaaliya, Dr. Mohamed Ayoya.

Mudane Balal Cusmaan ayaa u caddeeyay sida uu diyaar ugu yahay fududeynta howlaha UNICEF ay ka fulinayso dhammaan gobollada Soomaaliya, iyadoo loo marayo hey’adaha kala duwan ee dowladda.

Dhankiisa, Wakiilka cusub UNICEF ee Soomaaliya Dr. Mohamed Ayoya ayaa carabaabay sida uu ugu faraxsanyahay inuu wakiil uga noqday hey’addiisa Jamhuuriyadda Federaalka Soomaaliya, isagoo carabka ku adkeeyay inuu dadaal ku bixin doono xoojinta wadashaqaynta iyo howlaha isku duwidda ee kala dhexeysa Xukuumadda Federaalka si wax looga qabto xaaladaha beni’aadanimo,  loona hirgeliyo barnaamijyada adeegga bulshada ee ku suntan dhallaanka, Hooyada,  Waxbarashada iyo caafimaadka.

LEAVE A REPLY

Please enter your comment!
Please enter your name here