Wasiiru dowlaha Ganacsiga oo daah furay habka onlaynka ah ee diiwaangelinta iyo bixinta laysimada shirkadaha Ganacsiga “SAWIRRO”

Kulan horudhac u ah daah-furka Habka Onlaynka ah ee diiwaan-gelinta iyo bixinta laysimada Shirkadaha Ganacsiga Soomaaliya, ayaa ay maanta Wasaaradda Ganacsiga iyo Warshadaha Xukuumadda Federaalka Soomaaliya la yeelatay dawladaha xubnaha ka ah dawladda Federaalka Soomaaliya, waxaana kulanka ka soo qeyb-galay agaasimeyaasha kala duwan ee Wasaaradaha heer dawalad goboleedyo.

Kulanka oo uu daah-furay Wasiiru-dawlaha Wasaaradda Ganacsiga iyo Warshadaha Xukuumadda Federaalka Soomaaliya Mudane Cabdulqaadir Shariif Sheekhunaa Maye, ayaa waxa sidoo kale ka qeyb galay Agaasimaha Guud ee Wasaaradda, la-taliyeyaasha iyo saraakiisha kale ee ka soo shaqeysay mashruucan, waxaana hadal ay halkaas madaxda iyo mas’uuliyiinta kale ka jeediyeen ay sheegeen in barnaamijkan oo muddo dheer soo socday uu ahmiyad weyn u leeyahay fududeynta iyo horumarinta Ganacsiga dalka, islamar-ahaantaana ujeedka kulankani yahay siddii dawlad goballeedyadu ay ugu darsan lahaayeen wixii talo ah ee ay hayaan.

Barnaamijkan ayaa ah Website u shaqeynaya hab Onlayn ah oo Ganacsatada iyo Maal-gashadeyaashu ku soo dalbanayaan shatiyadooda Ganacsi, iyaga oo xafiisyadooda jooga, waxaana ay tani muhiim u tahay fududeynta ganacsiga iyo in aan ganacsatada iyo shacabka wakhtigu kaga lumin soo aaditaanka xarunta Wasaaradda.

LEAVE A REPLY

Please enter your comment!
Please enter your name here