Wasiiru dowlaha Wasaaradda Dhallinyarada oo qalab Isboorti kala wareegay Midowga Yurub “SAWIRRO”

Wasiiru dowlaha Wasaaradda dhallinyarada iyo isboortiga ee Xukuumadda Federaalka Soomaaliya mudane Maxamed Xaaji Ibraahim ayaa maanta qalab isboorti kala wareegay xafiiska Taliska guud Midowga Yurub ee Soomaaliya .

Wasiiru dowlaha ayaa hoosta ka xariiqay in qalabkan isboorti loogu talagalay naadiyayaasha heerarka kala duwan ee dalkeena .

“Waxaan maanta qalab isboorti ka gudoomay Taliska ciidamada isbanishka ee qeybta ka ah Midowga Yurub, qalabkan ayaa waxaa loogu talagalay naadiyayaasha heerarka kala duwan ee dalka, waxaana qalabkaasi ku wareejiyey xiriirka kubadda cagta Soomaaliya, waxaan u mahadcelinayaa Valencia Community oo qalabkaan ugu deeqay Naadiyayaasha heerarka kala duwan ee dalka”. ayuu yiri Wasiiru dowlaha Isboortiga Dalka.

Mudane Maxamed Xaaji Ibraahim Wasiiru dowlaha Wasaaradda Dhallinyarada iyo Isboortiga ee Xukuumadda Federaalka Soomaaliya ayaa xusay in Wasaaraddu ay xoogga saareyso sidii loo horumarin lahaa isboortiga dalka.