Wasiiru dowlaha xafiiska ra’iisul wasaaraha oo maanta la kulmay guddiga xaqiiqo raadinta ah ee IGAD ka socda + Sawirro

Wasiiru-dowlaha Xafiiska Ra’iisul Wasaaraha Xukuumadda Federaalka Soomaaliya Mudane

Cabdixakiim Xasan Ashkir ayaa maanta la kulmay guddiga xaqiiqo raadinta ee ka socda Urur Goboleedka IGAD, kaas oo dalka yimid xal u helidda xaaladda ka taagan xuduudda Soomaaliya iyo Kenya.
Wasiir Ashkir ayaa guddiga soo dhaweeyey, kuna amaanay kaalinta uu urur gobeleedka IGAD ka qaadanayo xallinta khilaafaadka gobolka, isagoo u xaqiijiyey in Xukuumadda Soomaaliya ay go’antahay ilaalinta daris wanaagga isla markaana ay ka rajeynayso dhanka kale dhowrista madaxbanaanida Soomaaliya.
Sidoo kale, guddigan ayaa shalay kulan sidan oo kale ah la yeeshay wasiiro dowlaha arrimaha dibadda Soomaaliya ayagoo ka wadahadlay arrimaha ku saabsan xadgudubka Kenya ku sameysay siyaasadda gudaha ee wadanka.

LEAVE A REPLY

Please enter your comment!
Please enter your name here