Wasiiru dowlaha Xafiiska Ra’iisul Wasaaraha oo sharxay mashaariicda laga hirgelinayo Baraawe “Dhageyso”

Wasiiru dowlaha Xafiiska Ra’iisul Wasaaraha Soomaaliya mudane Cabdullaahi Xaamud ayaa sheegay in maalinta berito ah xariga laga jari doono garoonka diyaaradaha ee magaalada Baraawe, halkaasi oo sidoo kale maanta lagu dhagax dhigay iskuul cusub oo lagu baran doono farsamada badda.

Wasiiru dowlaha Xafiiska Ra’iisul Wasaaraha Soomaaliya mudane Cabdullaahi Xaamud oo wareysi gaar ah siiyay Radio Muqdisho ayaa sheegay in iskuulka loogu magac dari doono Marxuum Wasiir Buci oo ahaa Wasiirkii Bii’ada oo afar sano kahor ku geeriyooday qarax ka dhacay Muqdisho, kaasi oo ay ka faa’iideysan doonaan shacabka Soomaaliyeed.

Mudane Cabdullaahi Xaamud ayaa xusay in maalinta berito ah xariga laga jari doono garoonka diyaaradaha magaalada Baraawe, kaasi oo lagu sameeyay dib u dhis iyo qalabeyn.

Wasiirka Waxbarashada Hiddaha iyo Tacliinta sare ee Xukuumadda Federaalka Soomaaliya Mudane Cabdullaahi Goodax Barre, Madaxweynaha Koonfur Galbeed Mudane Cabdicasiis Xassan Maxamed Laftagareen iyo wafdi Wasiiro ah oo ay ku jiraan Wasiirka Gargaarka iyo Mareynta musiibooyinka Soomaaliya Xamse Siciid Xamse, Wasiiru dowlaha Xafiiska Ra’iisul Wasaaraha Soomaaliya Cabdullaahi Xaamud Maxamed iyo xubno kale oo ka tirsan dowlad goboleedka Koonfur Galbeed ayaa caawa ku hooyanaya magaalada Baraawe ee caasimadda Dowlad Goboleedka Koonfur Galbeed Soomaaliya.

Dhageyso Wareysiga Wasiiru dowlaha Xafiiska Ra’iisul Wasaaraha Soomaaliya mudane Cabdullaahi Xaamud

LEAVE A REPLY

Please enter your comment!
Please enter your name here