Waxgaradka degmooyinka Balanbal iyo Guriceel oo heshiis kala saxiixday “SAWIRRO”

Waxgaradka magaalooyinka Balanbal iyo Guriceel oo kaashanayay dadka samaha jecel ayaa heshiis horudhac ah ka gaaray shir uga socday magaalada Balanbal oo looga hadlayay dhacdadii ka dhacday 11.kii Bishii Novembar 2015 Duleedka degmada Balambal ee gobolka Galgaduud.

Wadahadaladan oo ahaa kuwa lagu doonayay in xal looga gaaro dhacdadaasi oo u socday mudo laba cishaa xubno dhaqan ah oo hawshaasi u guntaday xalkeeda wixii ka dambeeyay dilkii jid galka ahaa ee loogaystay mas’uuliyiin ka soo qaybgaly dhismaha maamulka degmada Balanbal oo dib ugu laabanayay magaalada Guriceel.

Waxgaradka Degmada Balambal oo lahaa fidinta gogosha looga xaajoonayay dhacdadaasi oo laheyd dhimasho, dhaawac iyo burbur hantiyeed, ayaa ka garaabay Wixii dhacay Waqtigaasi waxayna ka bixiyeen Xaal iyo Raali gelin.

Nabadoon Cabdirisaaq Cabdulle Igaal (Guduudow) oo ka mid ah xubnaha Balanbal ee fidisay gogosha ayaa soo dhaweeyay imaatinka ergada ka timid Guriceel waxaana uu ka hadlkay Xaalka waxaana uu yiri.

“ Sadexdii nin ee dhimatay waxaan ka wadnaa midkiiba xaal dhan ( Lixdan milyan) oo xaal ah (Labaatan Malyan) oo duug ah iyo Qori, odayaaashii la socday sadexda dhimatay oo iyagana ay qaar dhaawac meen waxaa laga keenay midkiiba xaal dhan (Labaatan Milyan) iyo Kaarigii ay saarnaayeen oo isna laga bixiyay (lixdan iyo sagaal milyan)

Nabadoon Maxamed Aadan Rooble (Xood) oo u hadlay Odayaasha ka timid magaalada Guriceel ayaa dhinaciisa ka warbixiyay xalka laga gaaray wixii dhacay, waxaana uu sheegay in ay aad ugu qanceen xeerka iyo xaalka laga siiyay.

Heshiiskaasi ka dib ayaa Ergada labada dhinac waxaa ay ka balameen Diyadii Dadka geeriyooday iyo dhameystirka heshiiska, waxaana si wada jir u qabteen Guddi isku dhaf ah kaasi oo ka shaqeynaya dhameynta khilaafka iyo Xoojinta Nabada la gaaray.

Gudoomiyaha degmada Balambal Jaamac Xayle Maxamed oo gabagabadii halkaasi ka hadlay ayaa kaga mahad ceshay dhaqanka labada dhinac heshiiska ay gaareen.

DSCN7300 DSCN7315 DSCN7321 DSCN7322 DSCN7323 DSCN7324 DSCN7325 DSCN7327 DSCN7328 DSCN7331 DSCN7332 DSCN7333 DSCN7334 DSCN7335 DSCN7336 DSCN7337 DSCN7338 DSCN7343 DSCN7352

C/kariin Axmed Bulxan

Balanbal/ Soomaaliya

 

LEAVE A REPLY

Please enter your comment!
Please enter your name here