Waxgaradka Soomaaliyeed oo ka hadlay kullankii dhexmaray Madaxweyne Farmaajo iyo Madaxdii hore ee dalka soo martay

Qaar kamid Waxgaradka Soomaaliyeed ayaa soo dhaweeyey kullankii dhexmaray Madaxweynaha Dowladda Federaalka Soomaaliya Mudane Maxamed Cabdullaahi Farmaajo iyo Madaxweynayaashii hore ee dalka soo maray.

Nabadoon Xasan Kacaan oo kamid ah Waxgaradka Soomaaliyeed oo lasoo xiriiray Radio Muqdisho ayaa sheegay in tani tahay talaabo loo qaaday dhinaca hormarka.

“Waxaan boogaadin iyo hambalyo u diraa Madaxweyne Farmaajo in uu u yeero oo uu marti qaado Madaxweynayaashii hore ee dalka Xasan Sheekh Maxamuud iyo Sheekh Shariif Sheekh Axmed taas ayaa natusineysa in uu isbedelay siyaasadda dalka waana wax u baahan in lasii wado” ayuu yiri Nabadoon kacaan.

Qodobo dhowr ah ayey isla soo qaadeen Mudane Maxamed Cabdullaahi Farmaajo iyo Madaxweynayaashii hore ee dalka, iyadoona uu kullankoodu ku soo dhamaaday isfaham buuxa.

LEAVE A REPLY

Please enter your comment!
Please enter your name here