Waxgaradka Twofiiq iyo Afbarwaaqo oo ugu dambeyn heshiis kala saxiixday

Saraakiil sarre oo ka tirsan ciidamadda Xoogga dalka oo uu hugaaminaayo Taliyaha ciidanka dhulka Soomaaliyeed  jeneraal Cabdixamiid Maxamed Dirir ayaa ku guuleystay soo afjarida dagaal dhiig badan ku daatay oo todobaadkii tagay Beelo walaalo ah ku dhexmaray deegaanada Towfiiq iyo Afbarwaaqo ee Gobolka Mudug.

Saraakiisha oo uu sidoo kale ka mid yahay taliyaha qeybta 21aad oo habeeno badan dhaxanta u jiifay dib u heshiisiinta walaalaha Oodwadaagta ah ayaa ugu dambeyn ku guuleystay in wax garadka labada dhinac saxiixaan qodobo ay ku heshiiyeen.

Wax garadka labada dhinac ayaa qalinka kuwada duugay in aysan dib u soo laaban colaad dambe oo dhex marta dadka walaalaha ah.

Ugaasyada iyo nabadoonada deegaanka Towfiiq ee heshiiska saxiixay ayaa kala ahaa.

  1. Ugaas cabdulahi maxamed nuur
  2. Mabadoon Xasan Cabdi Nuur
  3. Nabadoon Rasaas Cumar Nuur

Halka deegaanka Afbarwaaqana ay u saxiixeen

  1. Nabadoon Cabdulahi Jamac Dheere
  2. Nabadoon Axmed Maxamed Cali
  3. Xasan Dhuux Cali.

Halyeeyada Xoogga dalka oo looga bartay xoreynta iyo xasilinta gobolada dalka ayaa bilihii la soo dhaafay ahaa kuwa door muuqda ku lahaa arrimaha nabadeynta colaadaha sokeeye.

 

LEAVE A REPLY

Please enter your comment!
Please enter your name here