Waxqabadka 100-ka maalin ee Maamulka Gaalkacyo oo la soo bandhigay “SAWIRRO”

Kulankaan oo ahaa mid mas’uuliyiinta  Maamulka  Degmada Gaalkacyoee ee Galmudug ay bulshada kula wadaagayeen  howlihii  maamulku ka qabtay magaalada 100kii maalmood ee maamulku shaqeynayay ayaa ugu horeyn lagu soo bandhigay waxyaabihii uu qabtay maamulku iyadoo muuqaal ah, kuwaas oo laga xusi karo  hagaajinta misaaniyadda dowlada Hoose, nidaamka maamulku ku shaqeynayo 4 ta sano ee soo socoto, wax ka qabashada bilicda magaalada, sida furidda wadooyin xirnaa dhismaha waddooyinka bur bursanaa iyo xoojinta amniga iyo wada shaqeynta maamulka degmada iyo laamha amniga, taas oo wax weyn ka badashay amniga iyo nabadgalyada Gaalkacyo.

Kulanka oo ay goob joog ka ahaayeen xubno ka tirsan Golaha Baarlamaanka iyo Wasiirada Galmudug, saraakiisha ciidanka booliiska  iyo bulshada qeybahaooda kala duwan ayaa waxaa ugu horeyn ka hadlay Duqa Degmada Gaalkacyo ee Galmudug Cabdiraxmaan Sheekh Xasan Jimcaale oo isagu sharaxaad dheer ka bixiyay waxyaabihii maamulku uu ka qabtay, kuwaas oo qeyb ka ahaa balan qaadyadii uu ka dhawaajiyay xiligii ololaha doorashada, kuwaas oo ay ka mid aheyd amniga iyo la dagaallanka argagixisada.

Shirka ayaa sidoo kale bulshadu su’aalo ku weydiiyeen duqa Degmada Gaalkacyo Cabdiraxmaan Sheekh Xasan, oo u badnaa tallooyin ku aadan howlaha maamulka horyaalla.

Gunaanadkii kulanka waxqabadka boqalka maalmood ee Dowladda Hoose oo ay ka hadleen Xildhibaanno iyo Wasiiro ka tirsan Galmudug ayaa bogaadiyay waxqabadka muuqda ee ka jira Gaalkacyo iyo dadaalka maamulka cusub ee degmada uu wado.

 

LEAVE A REPLY

Please enter your comment!
Please enter your name here