Weerar culus oo lagu qaaday guri uu deganaa Wasiirka gaashaandhigga Afghanistan

Ugu yaraan Sideed qof ayaa ku dhimatay 20-tan kalana way ku dhaawacmeen weerar culus oo maanta lagu qaaday guriga wasiirka gaashaandhigga Afghanistan oo  ku yaalla meel amaankeed si weeyn loo ilaaliyo oo bartamaha magaalada Kabul ah.

Wasiirka gaashaandhigga Afghanistan Bismillah Khan Mohammadi, ayaan sida la sheegay joogin gurgiisa xilliga la wareeray, kaasi oo loo adeegsaday Gaari laga soo buuxiyay waxyaabaha qarxo.

 Guriga Wasiirka la weeraray ayaa ku yaallay aagga cagaaran oo inta badan ay deganyahiinmas’uuliyiinta Afghanistan iyo Hey’adaha Qaramada Midoobay ee dalkaasi ka howl gallo.

Inta badan Qoyska wasiirka ayaa laga daadgureeyay guriga, waxaana la dilay Afar kamid ah dableydii weerarka soo qaaday, sida ay sheegeen saraakiisha Amaanka Kabul.

Kooxda argagaxisada ah ee Daalibaan ayaa sheegtay inay ka dambeysay weerarka, wallow aanay shaacin wax intaa dhaafsan.