Weerar ismiidaamin ah oo lagu qaaday Hoteelka Naasahablood Kow

0
5693

Gaari waxyaabaha qarxa laga soo buuxiyay ayaa ku qarxay iridka hore ee hotelka Naasabahlood Kow oo ku yaala agagaarka isgoyska Lambar Afar ee magaalada Muqdisho.

Maleeshiyaad hubeysan ayaa qaraxa kaddib galay gudaha hoteelka, iyadoo daqiiqado kaddibna ay gudaha hoteelka galeen ciidamada ammaanka, waxaana hadda la maqlayaa rasaas ay isweydaarsanayaan ciidamada ammaanka iyo maleeshiyaadkaasi.

Afhayeenka maamulka gobolka Banaadir C/fitaax Cumar Xalane ayaa Radio Muqdisho u sheegay in ciidmada NISA ay gudaha u galeen hoteelka Naasahablood Kow, isagoo tilmaamay in si deg deg ah lagu soo afjari doono maleeshiyaadkaasi.

Lama oga ilaa iyo hadda qasaaraha ka dhashay weerarkaasi, waxaana weli socda howlgalka ay ciidamadu ku badbaadinayaan dadka ku jira hoteelkaasi.

Did you like this? Share it:

LEAVE A REPLY

Please enter your comment!
Please enter your name here