Weeraro Qaraxyo ah oo ka Dhacay Brussels

Wararka ka imaanaya Magaalada Brussels gaar ahaan Garoonka Diyaaradaha  Zaventem ayaa sheegaya in ay ruxeen  Laba qarax oo waaweyn, iyadoo qaraxyadu ay ka dheceen goobta ay adeegsadaan dadka dhoofaya waxaana ku dhintay 13 halka ay ku dhaawac meen 35 kale.

Qaraxa kale ayaa ka dhacay  goob tareennada laga raaco oo u dhaw xarumo ay Midawga Yurub leeyihiin, iyadoo Xarumaha tareennada  oo idil la xiray, halkaasi oo ay ku dhinteen 15 qof halka 55 kalena ay ku dhaawacmeen.

Dadkii ku sugnaa Qeybta Duulimaadka Garoonka Diyaaradaha Brussels ayaa laga daad gureeyay garoonka,  waxaana la baajiyay duulimaadyadii Diyaaradaha.

Qaraxyadani waxay imanayaan afar maalmood kaddib markii magaalada Brussels lagu qabtay Salax Cabdisalam oo ahaa ninkii ugu muhiimsanaa ee loo raadinayay qaraxyadii Paris ka dhacay bishii November.

Ra’iisul Wasaaraha Belgium Charles Michel ayaa ka codsaday shacabka inay muujiyaan midnimo oo aysan ka wel welin qaraxyada dhacay.

LEAVE A REPLY

Please enter your comment!
Please enter your name here