Wufuud ka qeybgaleysa caleemasaarka madaxweynaha Galmudug oo gaartay Gadaado “Sawirro”

Xilli maalinta Barri ah ay dhacayso munaasabadda lagu caleemo saarayo madaxda dawlad goboleedka Galmudug ayaa waxaa magaalada Cadaado  gaaray wufuud kala duwan oo munaasabadaas ka qaybgalaysa.

Gudoomiyaha Baarlamanka Galmudug Cali Gacal Casir iyo wafdi uu hogaaminayo oo Xildhibaano ah oo maalmihii la soo dhaafay ku sugnaa magaalada Muqdisho ayaa maanta  gaaray Cadaado, halkaas oo si wayn loogu soo dhaweeyay.

Gudoomiyaha Baarlamanka Galmudug ayaa ka warbixiyay kulamadii uu la qaatay madaxda Qaranka Soomaaliya iyo tababar ay ka heleen Baarlamanka Federaalka.

“Gudoonka Baarlamanka markii hore waxaan wiidiisanay intaan joognay Cadaado, inay na siiyaan siminaar kooban kaas oo ku saabsan shuruucda Galmudug sida Dastuur, xeer hoosaaska runtii waa noo faa’iideeyeen oo rag badan oo aqoonyahano oo qaarkood hadda naa socdaan ayay oo aan doonaynayo inay nala dhamaystiraan ayay naga caawiyeen” ayuu yiri Gudoomiye Cali Gacal .

Dhinaca kale Wasiir ku xigeeno iyo xildhibaano ka tirsan Baarlamanka Soomaaliya oo uu ka mid ahaa wasiir ku xigeenka arrimaha dibadda Axmed Cali Kadiye iyo Xildhibaanad Jawaahir Axmed Cilmi iyo wafdi kale oo madaxwaynaha Khatumo Cali KHaliif Galayr uu hogaaminayo ayaa galabta soo gaaray magaalada Cadaado, iyadoo la filayo wufuud kale oo heer caalami ah.

DSC08899 DSC08907 DSC08908 DSC08909 DSC08910 DSC08911 DSC08912 DSC08913 DSC08914 DSC08919 DSC08924 DSC08926 DSC08927 DSC08928

LEAVE A REPLY

Please enter your comment!
Please enter your name here