Xaalad abaareed iyo biyo la’aan ayaa ka jira deegaano hoos yimaada magaalada Galinsoor ee gobolka Galgaduud.

Xilli abaaro ba’an oo dadka iyo duunyada saamayn ku yeeshay ay ka jiraan gobolka Galgaduud ayaa maamulka deegaanka Galinsoor waxa uubilaabay in biyo dhaamis loo sameeyo tuulooyinka ku hareeraysay magaaladaas, halkaas oo ay ku nool yihiin dad xoolo dhaqato ah oo soo gaari waayay meelaha biyaha leh.
Xoolaha ayaa u dhimanaya harraad iyo gaajo, waxaana qalalay barkadihii biyaha, iyadoo booyadana inta ay biyaha shubayaan la dhamaysanayo.
Dadka magaalada ayaa xitaa waxaa saamaysay abaarta, waxaana hoos u dhacay  gacansiga maadaama dadkii wax iibsan jiray abaartu dhaqaalohooda hoos u dhigtay, sida ay sheegayso Faadumo Jaamac Cabdulle oo ah gudoomiyaha ururka Haweenka Galinsoor.
Gudoomiyaha Maamulka deegaanka Galinsoor Cali Siciid Indhakorey ayaa codsaday in gurmad bini’aadanimo loo sameeyo dadka abaartu xoolaha ka laysay, laguna gacansiiyo hawlaha samafalka ee ay bilaabeen.
DSC00773 DSC00774 DSC00775 DSC00778 DSC00779 DSC00781 DSC00783 DSC00787 DSC00788 DSC00790
Did you like this? Share it:

LEAVE A REPLY

Please enter your comment!
Please enter your name here