Xaaladda Beledweyne oo degan iyo Guddigii loo xilsaaray baaritaanka shaqaaqadii dhacday oo ku wajahan

Guddoomiyaha Gobolka Hiiraan Cali Maxamed Caraale ayaa shaaca ka qaaday in xaaladda guud ee magaalada Beledweyne ay tahay mid degan, isla makaana ay ku guuleysteen in xubno lagu tuhmayo inay ka dambeeyeen falkii ka dhacay Beledweyne gacanta lagu dhigay, loona taxaabay xabsiga dhexe.

Guddoomiyaha oo wareysi gaar ah siiyay Radio Muqdisho ayaa sheegay si horu dhac ah xabsiga loo taxaabay rag lala xiriirinayo inay ka dambeeyeen weerarkii ka dhacay Beledweyne, ayna socoto baaritaanada la xiriirta kiiskaasi.

Guddoomiyaha Gobolka Hiiraan Cali Maxamed Caraale
Guddoomiyaha Gobolka Hiiraan Cali Maxamed Caraale

“Allaha u naxariisto taliyihii qeybta Gobalka Hiiraan shalay ayaan aasnay, aas qaran ayaan u sameynay, waxaan ku guuleysanay inaan qabanayo dambiilayaashii falka dilka ah geystay iyo kuwii amarka fuliyay”ayuu yiri Guddoomiyaha Gobolka Hiiraan.

 

Mudane Cali Maxamed Caraale ayaa sheegay in Guddiigii uu magacaabay Madaxweynaha Jamhuuriyadda Federaalka Mudane Maxamed Cabdullaahi Farmaajo oo uu guddoomiye u yahay Sareeye Guud Bashiir Maxamed Jaamac Taliyaha Ciidanka Asluubta Soomaaliyeed ay ku wajahanyihiin magaalada Beledweyne, si ay u dhameystiraan baaritaanka shaqaaqadii ka dhacday Beledweyne ee lagu dilay Taliyihii qeybta booliska Gobolka Hiiraan Gaashaanle dhexe Maxamed Macow Xalane.

 

LEAVE A REPLY

Please enter your comment!
Please enter your name here