Xaaladda caafimaad ee Abwaan Sangub oo soo hagaageeysa

0
9047

Abwaan Maxamuud C/laahi Ciise (Sangub) oo Maalmahan ku xanuunsanayay Isbitaalka Rajeb Tayib Erdogan, Ex-Digfeer ee Magaaladan Muqdisho ayaa la sheegayaa iney xaaladdiisa Caafimaad kasoo reyneysa.

Qaar ka mida ehelada Abwaanka, oo ku sugan Rajeb Tayib Erdogan Hospital, ayaa SONNA u xaqiijiyay inuu bed qabo , haatanna uu yahay Nin fariisanaya oo sheekeynaya kana baxay xaaladdii miyir daboolka ahayd.

Dadka ku sugan Dhaqtarka lagu dabiibayo Maxamuud C/laahi, oo ay ku jiraan Abwaanno , Suxufiyiin iyo Saaxiibbo Soomaaliyeed, ayaa beeniyay wararka sheegaya inuu geeriyooday Abwaanku,hadalladaasina ay yihiin kuwo aan sal iyo raad toona lahayn.

Baraha Bulshada, ayaa lagu baahiyay warar sheegaya inuu Abwaan Maxamuud C/laahi Ciise (Sangub) u dhintay xanuun uu Maalmahan la jiifay Isbitaalka.

Abwaan Maxamuud C/laahi Ciise, ayaa in dhawaalaba ka sheeganayay Nabar kaga soo baxay gosha ama dhinaca, halkaasoo qalliin lagu sameeyay ka dib soo kicisay xanuunno kale oo ay ka mid yihiin Dhiig kar iyo Sokor, taasoo sababtay inuu gaaro xaalad halis ah.

Maxamuud C/laahi (Sangub) ayaa mar kale Dadka Soomaaliyeed ka codsaday iney usoo duceeyaan, inuu rabbi ka dul qaado xanuunka hayo.

Did you like this? Share it:

LEAVE A REPLY

Please enter your comment!
Please enter your name here