Xaaladda Degmooyinka Diinsoor iyo Baardheere oo dhawaan shabaab laga saaray Waasidee”Warbixin kooban”

Saraakiisha AMISOM yaa Howlo kormeer ah ku tagay degmooyinka Baardheere iyo Diinsoor halkaa soo dhawaan Ciidamada xoogga ay kala Wareegeen Maleeshiyada Al Shabaab.

Wafdiga socdaalka ku tagay Degmooyinka Diinsoor iyo Baardheere waxa Hoggaaminayay Afhayeenka Ciidamada AMISOM iyadoo xaladda Deegaannadaas ay u muuqdeen kuwo daggan inkastoo aanay jirin wax Dhaqdhaqaaq dad shacab ah iyo Adeegyada bulshada oo  halkaas ka maqnaa sababa la xiriira dagaalkii degmooyinkaas ka dhacay kaa soo lagu jabiyay Cadowga Nabaddiidka ah ee Shabaab.

Madaxda Ciidamada AMISOM ayaa inta ay howshaas kormeerka ah wadeen waxa ay la kulmeen dad shacab ah oo dib ugu soo laabtay guryahooda si ay uga faa”iidaystaan fursadda ciidamada Dowladda ay siiyeen dadkaas oo ah in laga dul qaado Cadowga Shabaab oo shacabkaas u diiday inay si Xoriyad ah u Noolaadaan.

Qaar ka mid ah shacabka ayaa sheegay iyaga oo ka hadlaya dareenkooda in ay Aad ugu farax sanyihiin  in maanta ay arkayaan ciidamadii xoogga dalka oo la Jooga kana ilalinaya cidkasta oo Nabadda iyo Nolosha u diidan Dadkaas.

Abaanduulaha Guutada Sagaalaad ee Ciidamada Xoogga dalka ee Gobolka Gedo Cornel Cismaan Sheekh Cabdi “Qorrax” ayaa sheegay in ciidamada Xoogga dalka  Degmada Baardheere ee Gobolka Gedo ay joogaan muddo gooban isla markaana ay diyaar u yihiin in ay la sii dagaallamaan kooxda Shabaab.

“Sidaad la socotaanba Walalayaal Annagu waxaan nahay Ciidamada xoogga dalka, waxaan halkaan nimid bishii Todobaad  Gudaheeda waxaana u dhimid Inaan Cadowga Alshabaab aan ka Xurayno halkaan Deegaanno badan baan horay uga soo saarnay sidaad la socotaan Insha Allaahu Tacaalaa Waxan Rajaynaynaa inaan la sii dagaallanno” ayuu yiri Cornel Cismaan Sheekh Qorraxay.

Dhinaca kale Abaanduulaha ayaa sheegay in kooxda  Cadowga ummadda Soomaaliyee ee Shabaab aysan joogin degmada Baardheere ee Gobolka Gedo Isagoo ugu baaqay dadka shacabka ah ee horay halkaas uga barakacay inay dib ugu soo laabtaan deegaannadooda.

diinsoor

Guddoomiyaha Degmada Diinsoor ee gobolka Baay Ibraahim Maxamed Nuur  oo isna ka hadlay Xaaladda Degmadaas ayaa sheegay in qab-sashada degmada Diinsoor ay Dowladdu u tahay Guul iyo Wax lagu Faani karo.

“halkaan waxaa u dhow  Garaash ay hadda ka hor ku  sameeynayeen wax yaabaha Qarxa kaa soo iyaga ku qarxay  Diinsoor waxa ay ahayd meel ay shabaab  ku Bixiyaan dhiigga shacabka  Soomaaliyeed” ayuu yiri guddoomiyaha degmada Diinsoor Ibraahim Maxamed Nuur.

Cadowtinimada kooxda Arxan laawa yaasha ah ee shabaab ayaa dhibato adag degmada Diinsoor ugu gaysan jiray dadka Shacabka ah iyo kuwa sida Safarka ah u soo mari jiray halkaas oo ay qaarna ku qasbi jireen fikirkooda halka kuwo kalana ay Sida xoolo u gowrici jireen.

Guddoomiye Ibraahim Maxamed Nuur oo ay ka muuqato Farxad Aan la Qiyaasi Karin ayaa Ammaan kala dul dhacay Ciidamada Xoogga dalka oo Suurto geliyay in degmada Diinsoor Shabaab laga Saaro.

“Meeshaan waxa ay ahaan jirtay kawaan dad gobollada Soomaaliya iyo magaalada Muqdisho laga soo qabto lagu qali jiray  Dhowr iyo toban qof ayey si qasab ah ugu Amreen inay raacaan ka hor inta aanay Degmada laga Saarin  Markii ay diideenna Dhaawacyo Halis ah ayey ugaysteen  Annaga ayaa dadkaas Daweynay, Matoorradii dagmada way jareen qalabyadii  Caafimaadka wey qaatee wax ay reebeen malaha” ayuu markale Guddoomiyaha degmada Diinsoor.

Ugu dambayntii hay’adaha Samafalka iyo Cidkasta oo kaalin ka qaadan karta gurmadka dadkaas Soomaaliyeed ee ku nool degmada Diinsoor ayuu ka codsaday Guddoomiyaha Degmada Diinsoor  in la caawiyo isla markaana loo keeno wax waliba oo lagu Bad,baadin karo Nolosha dadkaas.