Xaflad soo dhaweyn ah oo xalay Garoowe loogu sameeyay Wafdiga Ra’iisul wasaaraha “SAWIRRO”

1679

Ra’iisul Wasaaraha Xukuumadda Federaalka Soomaaliya mudane Cumar Cabdi Rashid Cali Sharmarke iyo waftigiisa ayaa xalay ka qayb galay xaflad balaaran oo lagu soo dhaweynayey, taas oo ka dhacday xarunta madaxtooyada Puntland, waxaana xaflada ka soo qayb galay Madaxweynaha Puntland Cabdiwali Maxamed Cali Gaas, Gudoomiyaha Baarlamaanka Puntland, Ku xigeenka Madaxweynaha Puntland, wasiiro, Xildhibaanno, Isimo iyo dadweyne faro badan,

Xafladaan ayaa waxaa heeso wadani ah ka qaaday fanaaniinta hobolada waaberi ee Puntlnad, Abwaano ka tiriyey goobta gabayo iyo geeraaro kala duwan, iyo majaajilaystayaal ku cabirayey suugaantooda marxalada dalku marayo iyo sida ay lagama maarmaanka u tahay in umadda Soomaaliyeed ay gacmaha is qabsadaan.

Furitaanka Xaflada waxaa hadal isugu jira guubaabo iyo soo dhaweyn ka jeediyey Islaan Ciise Islaan Maxamed, wuxuuna islaamku u jeediyey codsi waftiga dowlada Federaalka ah kaas oo ku salaysan in ay Isimada Puntland ay fidiyeen gogol dib u heshiisiineed oo ay isugu yimadaan dhamaan wax garadka iyo cuqaasha Soomaaliyeed si loo turxaan bixiyo khilaafaadka wali ku haray bulshada dhexdeed,

Madaxweyna Puntland Cabdiwali Maxamed Cali Gaas ayaa dhankiisa sheegay in Puntland ay ka go’an tahay in ay dowlada Federaalka kala shaqayso arrimaha dib u heshiisiinta, dhanka kalana ay ka rajaynayaan dowlada Federaalka ah iney fuliso heshiisyadii ay wada galeen labada dhinac.

Ugu danbayntii RW Cumar oo soo xiray xaflada ayaa ka mahadceliyey soo dhaweyntii shalay iyo xafladaan qiimaha badan ee caawa loo sameeyey isaga iyo waftigiisa, wuxuuna Ra’iisul Wasaaruhu ka codsaday shacabka Puntland iney soo dhaweyaan dadka qaxootiga ah ee ka soo barakacaya Yeman. Sidoo kale RW Cumar ayaa goobta lagu gudoon siiyey Hadyado kala duwan.

—DHAMAAD—

unnamed (10) unnamed unnamed (1) unnamed (2) unnamed (3) unnamed (4) unnamed (5) unnamed (6) unnamed (7) unnamed (8) unnamed (9) unnamed (10) unnamed (11) unnamed (12) unnamed (13) unnamed (14) unnamed (15) unnamed (16) unnamed (17) unnamed (18) unnamed (19) unnamed (20) unnamed (21) unnamed (22)

 

Did you like this? Share it:

LEAVE A REPLY

Please enter your comment!
Please enter your name here