Xafiiska hay’adda Socdaalka iyo Jinsiyadda oo laga furey Bar-Xuduudeedka Tuur-Dibi ee degmada Goldogob +Sawirro

31

Agaasimaha Guud ee Hay’adda socdaalka iyo Jinsiyadda, guddoomiyaha gobolka Mudug ee Putland iyo xildhibaano ka tirsan baarlamaanka federaalka ah ee Soomaaliya ayaa maanta si wadajir ah xariga uga jarey xafiiska socdaalka ee bar-xuduudeedka Tuur-dibi ee degmada Galdogob.

 

Bar-xuduudeedkaan oo dhaca xadka Soomaaliya iyo Ethiopia ee degmada Galdogob ayaa waxaa hadda ka jira isku socod dadka iyo Gaadiidka ah, waxaana xarig ka jarka maanta uu ka dhigan yahey in Soomaaliya ay soo dhameystirtey  dhinaceeda waxyaabihii lagama maarmaanka u ahaa in bartaani ay dib howlgasho, isla markaana ay diyaar u tahey wadashaqeyn ay wada yeeshaan dhinaca kale ee Ethiopia.

Agaasimaha guud ee Hay’dda Socdaalka iyo Jinsiyadda Soomaaliya Gaashaanle sare Maxamed Aadan Jimcaale (Koofi) ayaa uga mahadceliyey maamulka Puntland, maamulka degmada Galdogob, Xildhibaanada federaalka ee ka soo jeeda degmada, iyo bulshada ku dhaqan degmada Galdogob kaalinta ay ka qaateen howl-gelinta bar-xuduudeedkaan oo muhiim u ah isku socodka iyo ganacsiga labada dhibac.

Did you like this? Share it:

LEAVE A REPLY

Please enter your comment!
Please enter your name here