Xafiiska ka hortagga xadgudubyada ka dhanka ah dumarka oo laga hirgeliyay taliska booliska “SAWIRRO”

2081

Sareeyo Gaas Maxamed Sheekh Xasan Xaamud ayaa maanta xarunta taliska ciidanka booliska Soomaaliyeed ka hirgeliyay waax cusub oo shaqadeedu tahay ka hortagga xadgudubyada ka dhanka ah dumarka iyo carruurta, iyadoo munaasabaddii u xariga kaga jarayay ay goob joog ka ahaayeen Wasiirka Haweenka iyo xuquuqda Aadanaha, Wasiir ku-xigeenka Wasaaradda Amniga gudaha iyo qaar ka mid ah sarakiisha ciidanka booliska.

Taliyaha ciidanka booliska Soomaaliya oo munaasabadda ka hadlay ayaa sheegay in waaxda cusub ay qaban doonto kiisaska la xiriira xadgudubyada ka dhanka ah dumarka iyo carruurta, si looga hortago falalka nuucaasi oo kale ah.

Wasiirka Haweenka iyo Xuquuqda Aadanaha ee Xukuumadda Soomaaliya Sahra Maxamed Cali Samatar ayaa sheegtay inay soo dhaweyneyso waaxda cusub ee taliska booliska laga hirgeliyay, ayna diyaar u tahay in ay la shaqeeyaan.

Dhanka kale taliyaha ciidanka booliska Sareeyo Gaas Maxamed Sheekh Xasan Xaamud ayaa xariga ka jaray dhismo cusub oo lagu soo kordhiyay taliska ciidanka Nabadgelyada Waddooyinka ee Taraafiko.

Taliyaha Ciidanka Nabadgelyada Waddooyinka Gaashaanle Sare Cali Maxamed Cali oo goobta hadal kooban ka jeediyay ayaa sheegay in ay aad ugu faraxsanyihiin dhismaha cusub ee laga hirgeliyay taliska taraafikada, kaasi oo uu ku sheegay inay ku howlgeli doonaan.

Taliyaha ciidanka booliska Soomaaliyeed Sareeyo Gaas Maxamed Sheekh Xasan Xaamud ayaa sheegay in dhismaha cusub lagu dhisay mashruuca dalkaaga dhiso oo uu kal hore ku baaqay Madaxweynaha Soomaaliya.

Ugu dambeyn taliyaha ayaa si la mid ah xariga uga jaray dhismo lagu soo kordhiyay xarunta ay ku howlgalaan ciidanka Laanta miino baarista ee booliska

Wasiir ku-xigeenka Wasaaradda Amniga gudaha ee Xukuumadda Soomaaliya Mudane Cabdinaasir Maxamed Cali ayaa xusay in Wasaaraddu ay taliska ciidanka booliska ku bogaadineyso mashaariicda kala duwan ee ay hirgeliyeen.

vlcsnap-2015-12-19-17h52m46s6 vlcsnap-2015-12-19-17h52m57s115 vlcsnap-2015-12-19-17h53m15s47 vlcsnap-2015-12-19-17h53m24s123 vlcsnap-2015-12-19-17h53m42s38 vlcsnap-2015-12-19-17h55m46s253 vlcsnap-2015-12-19-17h56m24s137 vlcsnap-2015-12-19-17h57m16s174 vlcsnap-2015-12-19-17h57m19s203 vlcsnap-2015-12-19-17h58m08s145 vlcsnap-2015-12-19-17h58m59s142 vlcsnap-2015-12-19-17h59m23s133 vlcsnap-2015-12-19-17h59m57s197 vlcsnap-2015-12-19-18h00m41s147

Did you like this? Share it:

LEAVE A REPLY

Please enter your comment!
Please enter your name here