Xaflad lagu taageerayay madaxweyne Farmaajo iyo R/wasaare Kheyrre oo lagu qabtay Paris+Sawirro

Xaflad aad iyo aad loo soo agaasimay oo halku dhig looga dhigay “Taageero isbedel iyo taakuleynta dadka dhibban” lagu qabtay magaalada Paris ee Caasimada Dalka France.

Xafladda ayaa aheyd mid si gooni ah taageero logu mujinaayay Madaxweyne Maxamed Cabdulahi “Farmaajo” iyo Ra’isul Wasaare Xasan Cali Kheerre.

Dadweynihii xafladda ka qeybgalay waxa ay iskugu jireen Culumaa’udiin, Siyaasiyiin,  Ganacsato, Haween, Fanaaniin, Arday iyo Dhalinyaro oo dhamaan ka wada tirsan Jaaliyadda Soomaaliyeed ee ku dhaqan Dalka France.

Munaasabadda waxa qudbado kala duwan ka jeediyay shaqsiyaad ay ka mid ahaayeen Jeneraal. Gaanni oo ka tirsana ciidamada qalabka sida, isagoo ka hadlay wayihii wanaagsan ee dalka uu soo maray iyo Rajada Isbadelka cusub  ee hadda  dhashay laga qabo.

Sidoo kale waxa halkaasi ka hadashay Marwo Ubax oo farriin dhirri galina ah u dhirtay Madaxweyne Maxamed Cabdullaahi “Farmaajo” iyo Ra’isulwasaare Xasan Kheerre, ayadoo ka codsatay in ay horseed ka noqdaan sidii Dalka iyo Dadka looga samata bixin lahaa xaaladda adag uu ku jiro Isbadelka dhacayna  u noqon lahaa mid lagu diirsado.

Ugu danbeenti waxa xafladda ka hadlay Xoghayaha Guud ee Jaaliyadda Soomaaliyeed ee Dalka France Khadar Maxamud Xasan”Jamac-Ciro” oo sheegay in ay garab tagan yihiin Dhamaan Jaaliyadda Madaxda cusub ee la doortay, waxa kale uu aad ugu dheeraday ka qeyb qaadashada Gurmadka Qaran ee loo fidinaayo dadka abaarha ku dhibateeysan iyo sida ay uga qeybqadan lahayeen taakuleeyntooda Jaaliyadda Soomaaliyeed ee Dalka France.

LEAVE A REPLY

Please enter your comment!
Please enter your name here