Xaflad soo dhaweyn ah oo loo sameeyay masuuliyiinta dowladda ee ku sugan Dhuusamareeb

1284

Xaflad lagu soo dhaweynayay masuliyiinta dowladda ee ku sugan degmada Dhuusamreeb oo ay ka qeyb galeen qeybaha bulshada, saraakiil iyo xubno ka tirsan xukuumadda ayaa xalay lagu qabtay degmada Dhuusamareeb ee xarunta gobolka Galguduud.

Taliyaha hay’adda Nabad Sugidda Cabdiraxmaan Tuuryare oo ka mid ahaa masuuliyiinta soo dhaweynta loo sameeyay ayaa tilmaamay in bulshada ku nool Dhuusamareeb ay waqti badan ku bixiyeen sidii ay ammaankooda u wanaajin lahaayeen, ayagoo dhowr dagaal oo difaac ah magaalada kula galay kooxda Al-Shabaab ee argagixisada ah.

Wuxuu tilmaamay in hay’adda nabad sugiddu ay ka qeyb qaadan doonto sugidda ammaanka iyo ka hortagga kuwa nabadda gobolka dhibka ku haya, sidoo kale wuxuu bulshada degaanka uga mahad celiyay sida ay u soo dhaweeyeen masuuliyiinta dowladda.

Wasiiru-dowlaha madaxtooyada Mahad Maxamed Salaad iyo saraakiisha ciidamada XDS iyo booliska ayaa ka mid ahaa masuuliyiintii ka qeyb galay xafladda.

Kooxo fannaaniin ah iyo xubno ka tirsan bulshada ayaa ayaguna madasha ka muujiyay sida bulshada gobolku ay diyaar ugu yihiin in ay dib u dhistaan degaanka isla markaana ay dowladda taageeraan.

Did you like this? Share it:

LEAVE A REPLY

Please enter your comment!
Please enter your name here