Xaflad soo Dhaweyn ah oo Madaxtooyadda Koofur Galbeed loogu qabtay Golayaasha xeer dejinta ee Dowladda Dhexe iyo Dowladda Goboleedyadda.

0
1768

Xaflad soo dhoweyn ah oo xalay xarunta Madaxtooyada KMG ah Dowlad Goboleedka koonfur galbeed ee Magaaladda Baydhabo loogu qabtay Xubnaha Golayaasha xeer dejinta ee dowlada dhexe iyo dowlad goboleedyada ee uu shirka uga socdo Magaaladda Baydhabo,waxaa ka qeyb galay Gudoomiyaha golaha shacabka Ee JFS ,kusimaha madaxweynaha KGS iyo dhamaan xubnaha Gudoomiyaaasha golayaasha xeer dejinta ee Dowlad Goboleedyada.

Fanaaniinta kooxaha fanka ee Baydhabo oo ay ka mid yihiin Arlaadi iyo walaalaha Koonfur galbeed ayaan xaflada kusoo bandhigay Suugaan isugu jirto guubaabin iyo amaan ,waxaana maamulka Degmaxa Baydhabo iyo Ururka haweenka ee Degmada ay wafdigan kusoo dhoweeyeen Magaaladda Baydhabo.

Gudoomiyaasha Golayaasha xeer dejinta ee dowlad goboleedyada oo xaflada ka hadlay ayaa u mahad celiyay shacabka iyo Dowlad goboleedka koonfur galbeed sida wanaagsan oo ay usoo dhoweeyeeen iyo marti gelinta shirka.

Gudoomiyaha Golaha Shacabka ee JFS Mudane Maxamed Sheekh Cusmaan Jawaari ayaa dhankiisa u mahad celiyay shacabka reer koonfur galbeed iyo maamulkooda,wuxuuna Gudoomiyaha uu ku dheeraaday muhiimada ay leedahay in umad walba dhaqankeeda ilaalsato.

Dhinaca kale Gudoomiyaha golaha Shacabka ee JFS ayaa u hambalyeeyay Xildhibaanada golaha Shacabka ee JFS oo ay ku beegan bishan December ku beegantahay waqtigii lagu aaminay xilka ay umada u hayaan ,isasoo sidoo kale u hambalyeeyay dowlad goboleedka koonfur galbeed.

Did you like this? Share it:

LEAVE A REPLY

Please enter your comment!
Please enter your name here