Xafladda caleema saarka Madaxda dowlad goboleedka Hirshabeelle oo ka dhacaysa Jowhar

 

Qaban qaabada munaasabad lagu caleemo saarayo Madaxweynaha cusub iyo ku-xigeenkiisa ee dowlad goboleedka Hirshabeelle ayaa maanta lagu wadaa inay ka dhacdo magaalada Jowhar ee xarunta gobolka Shabeelaha Dhexe

Magaalada Jowhar ayaa laga dareemayaa diyaar garow xoogan oo loogu jiro xafladda lagu caleemo saarayo Madaxda dowlad goboleedka Hirshabeelle, kaasi oo ay ka qeyb geli doonaan Mas’uuliyiin ka tirsan dowladda, wakiilo ka socda beesha caalamka, xubno matalaya dowlad goboleedyada qaarkood iyo marti sharaf kale.

Madaxweynaha cusub ee Dowlad goboleedka Hirshabeelle Cali Cabdullaahi Cosoble ayaa lagu wadaa inuu saaka dib ugu laabto magaalada Jowhar, isagoo magaalada Beledweyne kula kulmay qeybaha bulshada oo uu kala hadlay sidii ay uga qeyb qaadan lahaayeen taageeridda dowlad goboleedka Hirshabeelle.

Ciidamo kala duwan ayaa ka qeyb qaadanaya sugidda ammaanka wafuuda ka qeyb galeysa xafladda caleema saarka Madaxda maamulka Hirshabeelle.

Jawiga magaalada Jowhar oo ah xarunta Maamulka Hirshabeelle ayaa ka duwan sida maalmihii la soo dhaafay, iyadoo ciidamada ka qeyb qaadanaya sugida amniga ay xireen waddooyinka laga soo galo iyo halka ay ka dhaceyso xaflada caleema saarka.

 

 

Did you like this? Share it:

LEAVE A REPLY

Please enter your comment!
Please enter your name here