Xafladda lagu taageerayay Madaxweynaha Jabuuti oo lagu qabtay Suudaan

Diblomaasiyiiinta Safaaradda Soomaaliyeed ee dalka Suudaan ayaa ka qeeb qaatay  xaflad lagu taageerayay Madaxweynaha dalka Jabuuti in uu mar kale talada dalka siihayo, taa oo lagu wado in ay ka dhacdo doorasho bisha abril ee ina soo aadan

Xafladan  oo ahayd mid si heer sare loo soo agaasimay ayaa waxaa soo qaban qaabiyay Midowga ardayda dalka Jabuuti  ee wax ka barata dalka Suudaan, waxaaana ka soo qeyb galay diblomaasiyiin isugu jiray Soomaali iyo Jabuuti,  madaxda lada Jaaliyadood abwaanno, suldaano iyo qeybaha kala duwan ee ururda ka dhisan dalka Suudaan.

Ugu horeyn Guddoomiyaha ardayda  Jabuuti Cadnaan ayaa u mahadnaqay  dadka soo ajiibay dacwada ay u fidiyeen, isagoo tibaaxay in ardayda Soomaaliyeed iyo kuwa Jabuutiba ay yihiin kuwo  isku xiran,  kana wada tashada wixii quseeya,

Cabduwali Xasan Xuseen guddoomiyaha jaaliyadda Soomaaliyeed ee dalka Suudaan ayaa sheegay in Ismaaciil Cumar Geele Madaxweenaha Dalka Jabuuti  ka keensaday taageero dhan walba ah shacabka Soomaaliyeed meel walboo ay joogto sidaa darteedna mudanyahay in dib loo dooorto.

Suldaan Kamala oo isna ka mid ah Salaadiinta Soomaaliyeed ee ku sugan dalka Suudan  laguna casuumay munaasabadda lagu taageeerayay  dib in mar kale loo doorto Madaxweynaha dalka Jabuuti ayaa tibaaxay in hiil iyo hooba la garab istaagi doonaan shacabka iyo dowladda Jabuuti sida uu isagaba uu xil isaga saaray shacabka  Soomaaliyeed.

Gabagabadii munaasabadda ayaa waxaa hadalka qaatay Safiirka Dowladda Jabuuti u fadhiya dalka Suudaan  Danjire Axmed Cali Barre isagoo mahadnaq balaaran u jeediyay dhamaan inta soo qaban qaabisay iyo kuwa ka soo qeyb galay.

 

 

 

 

LEAVE A REPLY

Please enter your comment!
Please enter your name here