Xafladda sanadguuradda labaad ee Idaacadda wadaag oo maanta lagu qabtay Muqdisho+Sawirro

Munaasabad lagu xusayay sanad guuradii Labaad ee ka soo wareegtay furitaankii Idaacadda Wadaag ayaa maanta lagu qabtay Muqdisho.

Xafladda oo uu soo qaban qaabiyay maamulka Idaacadda Wadaag ayaa waxaa ka qeybgalay mas’uuliyiin ka tirsan wasaaradda Warfaafinta oo uu ka mid ahaa agaasimaha Radio Muqdisho C/raxiim Ciise Caddoow, agaasimaha waaxda qoraalka iyo wax soo saarka wasaaradda warfaafinta dhaqanka iyo dalxiiska Liibaan Cabdi Cali, mas’uuliyiin ka tirsan bahda warbaahinta madaxa bannaan iyo marti sharaf kale.

Intii ay socotay xafladda ayaa waxaa lagu soo bandhigay waxqabadka iyo horumarka Idaacaddaasi, iaydoo mas’uuliyiintii ka hadashay halkaasi ay maamulka iyo shaqaalaha idaacaddaasi ugu hambalyeeyeen waxqabadkooda ku aaddan u adeegidda bulshada Soomaaliyeed iyo tebinta wararka iyo barnaamijyada waxtarka leh ee  u qotoma waddaniyadda.

Agaasimaha Idaacadda Radio Muqdisho C/raxiim Ciise Caddoow ayaa ku boorriyay maamulka iyo howlwadeennada Idaacaddaasi iney kordhiyaan dadaalkooda, islamarkaana ay ku shaqeeyaan masaalixda dalka iyo dalka Soomaaliyeed, isagoo ku dheeraaday ahmiyadda ay warbahintu u leedahay bulshada.

Marwo Nuurto Maxamed Caddoow oo ku hadashay magaca haweenka Soomaaliyeed ayaa ku amaantay maamulka iyo shaqaalaha Idaacadda wadaag, sida wanaagsan oo ay bulshada ugu shaqeeyeen mudadii labada sano aheyd, iyagoo kula dardaarantay howlwadeenada Idaacadda ineey laba jibbaaraan dadaalkooda, islamarkaana ay ka qeeybqaataan horumarka dalka iyo dadka.

Agaasimaha Idaacaddaasi Maxamed “Dalnuurshe” ayaa ka warbixiyay waxqabadka idaacadda muddadii ay jirtay, isagoo abaalmarinno guddoonsiiyay hey’addo wadashaqeyn la leh idaacadda Wadaag  iyo qaar ka mid ah shaqaalaha idaacaddaasi.

Idaacadda Wanaag ayaa ka mid ah Idaacadaha madaxa banana eek a howlgala magaalada Muqdisho.

DSC00011 DSC00013 DSC00016 DSC00021 DSC00025 DSC00028 DSC00029 DSC00032 DSC00046 DSC00048 DSC00049 DSC00050

DSC00073

DSC00095

DSC00134

DSC00181

DSC00184

DSC00192

DSC00206

DSC00173

DSC00209

Sawir qaade Farxaan Suleyman Daahir