Xaflado lagu soo gebagebeeynayay tartamo Qur’aan aqris ah oo lagu qabtay Muqdisho

Xaflad lagu soo gaba gabeynayay tartan Qur’aan aqris ah oo  ay iska kaashadeen idaacadda Dalsan iyo xawaaladda Taaj bisha barakeysan ee ramadaan ayaa waxaa ka qeyb galay culimaa’udiin, maamulka idaacada Dalsan, macalimiin iyo arday.

Tartankan oo ay ka qeyb galeen arday  laga soo xulay ku dhawaad 20 dugsi Qur’aan oo ku yaala gobolka banaadir iyo nawaaxigiisa ayaa ardayda ka qeyb galeysay waxaa lagu tartansiinayay Soddonka Jus, labaatanka  jus iyo tobanka jus ee Qura’aanka Kariima ah .

Sheekh Abuukar Xasan Maalin oo ka mid ah culimaa’udiinka Soomaaliyeed ayaa sheegay in wax lagu farxo ay tahay in caruurta Soomaaliyeed lagu tartansiiyo xifdinta Qur’aanka Kariimka.

Agaasimaha idaacada Dalsan Xasan Cali Geesey ayaa dhiiri geliyay ardaydii tartanka ka qeyb galay gaar ahaan kuwii kaalimaha hore galay.

Sidoo kale Munsbad lagu soo xiriyay Tartan Qur`aan aqris ah oo u dhexeyay 52 arday oo dhigta Jaamacada   Muqdisho islmarkaan Abaalmirino lagu Gudoosiniyay Ardaydii Kaalmaha Horey ka  Galay Mudadii Tartankaasi socotay ayaa lagu qabtay xarunta Jamacadaasi ee Maqaalada Muqdisho.

Dr. Maxamed Xuseen Ciise oo ka mid ah masuiyiinta Jaamacadda Muqdisho ayaa sheegay in sanadkasta bisha Ramadan ay qabato tartan Qur`aan aqris ah, isgoo sheegay in ardaydii kaalmaha hore ka galay tartaankaasi ay abaalmiri ahaan u siiniyaan waxbarsaho lacag la`aan ah.