Xamar Weyne: In Ka Badan 10 Qof Oo Laga Soo Badbaadiyay Guri Saddex Dabaq Ah Oo Ku Soo Dumay “SAWIRRO”

In ka badan 10 Qof ayaa laga soo badbaadiyay Guri ka kooban saddex dabaq oo caawa ku dumay dadkii deganaa, waxaana weli socoto gurmadka dad kale oo laga baadi goobayo bur burka hoostiisa.

Guriga dumay oo ku yaala xaafadda Raqayga ee Degmada Xamar Weyne, ayaa waxaa iminka ku sugan gaadiidka gurmadka deg deg ah ee Maamulka Gobolka Banaadir iyo dadka xaafada oo iskaashanaya, kuwaasi oo si taxadar ay ku dheehantahay bur burka dhismaha hoostiisa uga baadi goobaya dad la tuhmayo inay ku hoos jiraan.

Dadka dhismaha dumay laga soo badbaadiyay ayaa 4 ka mid ah waxaa loo qaaday goobaha caafimaadka.

Sida uu ku soo waramayo Wariyaha Warbaahinta Qaraka Maxamed Miuuse Tarsan oo goobta ku sugan guriga qeyb ka mid ah ayaa dunsan, halka qeyb kale oo ka mid ah ay weli dhismuhu taaganyihiin.

Guddoomiyaha Gobolka Banaadir ahna duqa Muqdisho Mudane Cumar Maxamuud Maxamed (Filish) ayaa gaaray halka ay ka socoto howlaha loogu gurmanayo guriga soo dumay, si uu ula socda shaqaalaha gurmadka deg deg ah ee Gobolka Banaadir dadaalka ay halkaasi ka wadaan.

 

LEAVE A REPLY

Please enter your comment!
Please enter your name here