Guddoomiye ku-xigeennada baarlamaanka Galmudug oo la doortay,

1835

Doorashada guddoomiye ku-xigeenka labaad ee baarlamaanka dowlad goboleedka Galmudug ayaa la guda galay, iyadoo la doortay guddoomiye ku-xigeennada koowaad iyo labaad ee barlamaankaasi.

Xareed Cali Xareed ayaa ku guuleystay guddoomiye ku-xigeenka koowaad ee baarlamaanka dowlad goboleedka Galmdug, kaddib markii uu tartan la galay musharixinta kala ah Maxamed Xasan Xuseen iyo Cabdullaahi Xirsi Maxamed.

Xareed Cali Xareed ayaa helay 58 cod, waxaana Maxamed Xasan Xuseen uu helay 21 cod, halka musharaxa saddexaad uu isna helay 3-cod, waxaana codeysay 82 Xildhibaan.

Guddoomiyaha baarlaamanka Dowlad goboleedka Galmudug ayaa ku dhawaaqay natiijada oo sheegay in Xareed Cali Xareed uu ku guuleystay xilka Guddoomiye ku-xigeenka Koowaad ee baarlamaanka Dowlad goboleedka Galmudug.

Maxamed Sheekh Axmed Maalin waxa uu ku guuleystay guddoomiye ku-xigeenka labaad ee baarlamaanka dowlad goboleedka Galmudug, kaddib markii cod gacan taag ah uu ku helay 57 xubnood, mana jirin cid kale oo la tartamaysay.

Baarlamaanka dowlad goboleedka Galmudug ayaa iminka ah kuwa dhameystiran, iyadoo isla maanta loo dhaariyay xilka loo doortay.

 

 

Did you like this? Share it:

LEAVE A REPLY

Please enter your comment!
Please enter your name here