Xarumo maleeshiyada Al-Shabaab lahaayeen oo la bur buriyay

3402

Ciidanka xoogga dalka iyo kuwa Midowga Afrika ee AMISOM ayaa howlgal qorsheysan ka sameeyey deegaanka Baladul Amiin ee gobolka Shabeelaha Hoose, halkaas oo xarun  ah u aheyd Al-shabaab.

Ciidamada iskaashanaya ayaa howlgalkooda si gaar ah uga fuliyey ilaa iyo afar xarun oo Al-Shabaab rug u aheyd, kuwaas oo ay kamid ahaayeen xarun ay ku sheegeen saldhig boolis oo ay dadka lacago sharci darro ah uga qaadi jireen iyo sidoo kale xarunta maamulka u aheyd Al-Shabaab ee deegaanka Baladul Amiin ee gobolka Sh/Hoose.

AMISOM iyo ciidanka xoogga dalka ayaa howlgalkaasi ku qab qabtay ilaa iyo toban ruux oo looga shakiyey in ay ka tirsan yihiin Al-shabaab, sida AMISOM ay sheegtay, waxaana howlgalkaasi uu qabsoomay iyadoo aaney jirin wax iska hor imaad ah oo Al-shabaab ay la galeen ciidamada iskaashanayey.

Saraakiisha ciidanka dowlada iyo kuwa AMISOM ayaa kulan la qaatay odayaasha deegaanka iyo qeybaha bulshada, iyadoo sidoo kale ciidanku dadka deegaanka ay u qeybiyeen daawooyin.

Saldhiga ciidan ee Al-shabaab lagala wareegay waxa ay maleeshiyaadka Al-shabaab ay u adeegsan jireen goob dadka deegaanka Baladul Amiin ay kaga qaadi jireen lacago baad ah oo ay ku sheegeen Al-Shabaab in ay tahay canshuur, sida ay qortay Wakaaladda Wararka Qaranka Soomaaliyeed ee SONNA.

Did you like this? Share it:

LEAVE A REPLY

Please enter your comment!
Please enter your name here