Xarun cusub oo laga dhisayo taliska ciidanka nabadgelyada waddooyinka oo la dhagax dhigay “SAWIRRO”

0
2166

Taliyaha Ciidanka Booliska Soomaaliyeed Sareeyo Gaas Maxamed Sheekh Xasan Xaamud oo ay wehliyaan teliye ku-xigeenka labaad ee ciidanka booliska iyo saraakill kale ayaa maanta dhagax dhigay dhismo cusub oo laga hirgelinayo xarunta taliska ciidanka Nabadgelyada wadooyinka ee Muqdisho, isagoo dhanka kale tababar u furay gabdho ka tirsan ciidanka booliska oo la barayo sida dawaarka loo talo.

Taliyaha ciidanka Nabad-gelyada wadooyinka Jeneraal Cali Xirsi Barre (Cali Gaab) ayaa sheegey in si iskaa wax u dhiso ah iney ku hirgalinaayaan dhismahan cusub ee manta la dhagax dhigey

“Aad buu u mahadsanyahay taliyaha haddii uu inaga ogolaadey inoo noo dhagax dhigo dhismahan,  waxa uuna ka koobnaan doona dhismahan cusub, labo biyaano oo dabaq ah oo afar qol ku kooban xafiisyo lagu shaqeeyo ayey ahaan doonan dhismooyin xafiisyo ah” ayuu yiri Taliye Cali Gaab.

Taliyaha ciidanka booliska Soomaaliyeed Sareeyo Gaas Maxamed Sheekh Xasan Xaamud ayaa ku amaaney dadaaladan ku dayashada mudan ee ay iskaa wax u qabso dhismo ku hirgelinayaan, isagoo ku baaqay in laga wada qeyb qaato dhismaha xarunta cusub.

“Waxaan qirayaa shaqo culus iney Shacabka u hayan siyasada ciidamada waa iskaa wax u qabso war adigu intaad wax qabsan karto qabso kaddib arag ciddii gacan ku siin karta, anaguna waxaan diyaarinay siyaasad lagu tayeynayo ciidamada booliska” ayuu yiri Taliyaha ciidanka booliska.

Sidoo kale taliyaha Ciidanka booliska Soomaaliyeed ayaa waxa uu tababar u furey gabdho ka tirsan ciidamada booliska oo xarun ku taala taliska ciidanka nabad gelyada wadooyinka lagu bari doono dhar tolida, isagoo ganacsatada ugu baaqey tababarada ciidamada iney gacan ka geystaan.

1 2 3 IMG_0915 IMG_0917 IMG_0918

Did you like this? Share it:

LEAVE A REPLY

Please enter your comment!
Please enter your name here