Xaruntii Marin Habaabinta Al-Shabaab ee Andolus oo la burburiyay

Wararka naga soo gaaraya magaalada Jilib ee Gobalka Jubbada Dhexe ayaa sheegaya in la burburiyay xaruntii marin habaabinta Al-Shabaab ee Andolus, ka dib duqayn xoog leh oo xalay ka dhacday magaaladaasi.

 

Duqayntaan oo ahayd mid bartilmaameed ah oo xarumo dhowr ah oo Al-Shabaab ay ku dhuumaalaystaan hal mar lagu wada rusheeyay, ayaa goobaha sida gaar ah loola beegsaday waxaa ka mid ahaa xaruntaan oo ka shaqaynaysay marin habaabinta iyo baadiyeenta dadka Soomaaliyeed.

Wararka ayaa sheegaya in shar sheegayaashii xiligaasi ku sugnaa Idaacadda Andolus ay duqayntaasi ku baaba’een, inkastoo wali Radio Muqdisho aysan helin magacyada.

Dhowaan ayay ahayd markii magaalada Jilib ay ku dagaalameen Maleeshiyaadkaan Argagixisada ah ka dib markii uu soo kala dhexgalay shiki ah in qayb ayaga ka mid ah ay doonayaan inay ku biiraan Daacish, taasi oo keentay in gabar ka mid ah Argagixisada ah laga saaro magaalada Jilib.

Radio Muqdisho ayaa ogaatay in Jabriil oo ka mid ah Shar sheegayaasha Al-Shabaab oo ka tirsanaa xarunta marin habaabinta Andolus uu ku dhaawacmay dagaalkii ka dhacay magaalada Jilib.

 

 

Did you like this? Share it:

LEAVE A REPLY

Please enter your comment!
Please enter your name here