Xawaaladaha Soomaalida ee xanibaadda laga qaaday oo la soo dhaweeyay

1
1332

Guddiga Xawaaladaha Soomaaliyeed ayaa soo dhoweeyey go’aanka dib shaqdooda ay ugu bilaabayaan Xawaaladaha Soomaalida ee dalka Mareykanka.

Cabduqaadir Cali Siyaad (Joolaal) oo ka tirsan Guddiga Xawaaladaha Soomaaliyeed ahna guddoomiyaha Xawaaladda Jubba Express ee Koonfurta Soomaaliya oo la hadlay Radio Muqdisho, ayaa sheegay in guddiga Xawaaladaha uu soo dhoweynayo dib u bilaabista shaqada lacag dirista.

“Aad aad ayaan u soo dhaweyneynaa, runtii waan dareenay shacabka dhibka ay ku qabeen, arrin xanuun badan ayay ahayd in qoysaska qaar ay ku tiirsanayeen eheladooda ay lacagta ka heli jireen oo marar badan inta xafiisyada noogu yimid wax ka waayay dadkii ay wax ka heli jireen ee Mareykanka ku dhaqan, runtii waxaan rajeyneynaa in arrintaasi gebi ahaanba laga qaado xanibaadda” ayuu yiri Cabdiqaadir Joolaal.

Did you like this? Share it:

1 COMMENT

  1. waxaan aad ugu faraxsanahay in dib loo fasaxay xawaalada
    ihii mareykanku xiray, waaxaa kaloo farxad leh sidi ay dowlada iyo shacabkuba u wada muujiyeen dareenkooda isku midka ah waxeyna ila tahay in mareykanku dareemay ineysan dani ugu jirin inoow celeqaadkiisa cusub ee ow soomaaliyo dib ula yeeshay aanoow dib u qarxin.

    mareykanka caadadiisu waa ul gardaro meel ku dhufo hadow ma ogoli maqlana waa joojiyaa hadii kalana waa ka sii daraa taasi waa caadadiisa ee dowladeena iyo shacabkeenuba hambalyo ayaan leeyahay ineey codkooda mareykan wada maqashiiyeen.

    taasi waa taa tan kale dowlada waxaan halkaan baaq uga dirayaa ineey sugida amniga xooga saarto si shacabka soomaaliyeed oo xoolahoodu caalamka kala daadsanyihiin ay wadankooda ugu soo rartaan una maal gashadaan
    tan kale dowladu waa ineey sharaf xumada lacagteena hayso ay xal degdeg ah u sameyso waa maxay lacagteeni oo suuqa ka sii baxayso aanana qaymo lahayn oo wadanka laga isticmaalaayo doolar taasi waa nasiibb daro aaway dowladnimadi maxey dowladu u daabici la,dahay lacagti wadankeena oo cusub?
    waxaa shacabkeenu qabaa cabsi ah in lacagteeni wadanka ka bixi doonto,waana ayaandaro dowlad caalamku aqoonsaday oo aan illaa hada lacagteedi daabacan ee adeegsaneyso lacag wadan kale.
    tankale wadanku ka bixi maayo dib u dhac waayo maanta waxaa lacagteeni badalay doolar iyo adeegyada E. V .B
    labaduba kala daran waayo doolarku waxoow wadanki dhaxalsiiyay sicir barar adeegyada lacagaha moobelka lagu shubaayana dhibkooda ayeey leeyihiin waayo shirkado gaar ah ayaa lacagihii wadanka iyo dhaqaalihiiba gacanta ku haynaayo.
    marka dowlada waxaa waajib ku ah ineey doorkeeda qaadato lacagtii qarankana dib u daabacdo si wadanku berisamaad u noqdo.

LEAVE A REPLY

Please enter your comment!
Please enter your name here