Xeer ilaaliyaha Guud ee qaranka Soomaaliyeed oo la kulmay jaaliyada Columbus Ohio “Sawirro

2982

Xeer ilaaliyaha Guud ee qaranka Soomaaliyeed Dr. Ahmed Ali Dahir  oo  gaaray magaalada Columbus ayaa waxa uu kulan la qaatay Jaaliyada Soomaaliyeed ee magaalada Columbus Ohio ee dalka Maraykanka, waxana uu warbixin ku saabsan arimaha Soomaaliya uu siiyay Jaliyada oo aad ugu xiiso qabtay in ay waxbadan ka ogaadaan dalkooda iyo marxalada uu ku suganyahay.

Waxa uu xeer ilaaliyuhu aad uga hadlay arimaha la xariira Garsoorka iyo howlaha xafiskiisa kaas oo ah mid aad u mugweyn, isla markaana ah laf dhabarta Garsoorka iyo Cadaalada Dalka.

Kulanka oo  aad loogu  qiirooday kana ilmaysiisay inta badan dadka kulanka goob jooga ka ahaa kadib markii laga sheekeeyay marxalada uu dalku ku jiro iyo sida iminka wax un uu soo hagaagaya

Horumarka

Rajo aad u wanaagsan ayuu gabi ahaan dalka ka muujiyay isaga oo ka sheekeeyay in dalka ay ka jiraan isbadalo waxbarasho, Caafimaad, Ganacsi iyo waxyaaba kale oo gaar loo leeyahay kuwaas oo kaabay shacabka dagaaladu soo daashadeen gaar ahaan magaalada Caasimada ee Muqdisho.

Dhalinta

Xeer ilaaliyaha ayaa dul istaagay arrimaha Dhalinyarada oo uu sheegay in ay yihiin  kuwa tiigsanaya horumar waxbarasho iyo shaqo meel fiican gaartay, waxa uu xusay in ay adkaan doonto in dhalinta qurbaha ay shaqo helaan xili dhalintii gudaha dalka ay waxbarasho dhaxal gal ah ka soo baxeen, kuwana ka soo baxayaan.

Garsoorka

Garsoorka ayuu xusay  Xeer ilaaliyaha guud ee Qaranka Dr. Ahmed Ali Dahir  in qabyo weyn ay ka jirto iyada oo waxyaabaha lagu baaro dambiyada iyo dadka baara aysan haysan qalab ku filan, tusaale qalabka loo bahanyahay waxaa ka mid ah, midka lagu baaro ama cadaynaya raga Kufisiga gaysta, baaritaanka dhaqtarka kaliya ma’ahan mid nagu filan hadaan cadayn lahayn, waxaa ka mid ah in la helo qalabka faraha oo casri ah iyo dad u tabo baran.

Xabsiyada

Xabsiyada dalka ayuu tilmaamay Dr. Ahmed Ali Dahir  in ay yihiin kuwo aad ugu baahan dayactir iyo in dib loo habeeyo xili xaalado aad u adag ay ka jiraan xabsiyada, oo tiradii loogu talo galay ka badan ay ku jiraan, Tusaale qol loogu talo galay in lagu xiro, 12 qof waxaa ku jirta 50 ama 60 ruux waxayna sababtaa in ay dadku qaar dhintaan una dhintaan cariiri, waxa uu xusay Magaalada Bayhabo in dhawaan 2 maxbuus u dhinteen cariiri ka soo wajahay qolka kadib markii tiro aan loogu talo galin lagu xareeyay.

Magaalooyinka, Baydhabo, Muqdisho, Kismaayo iyo kuwo kale ayaa u bahan dib u dhis xabsi.

Waxa uu arrinta xabsiyada ka muujiyay walaac aad u xun oo cafimaad la’aan iyo dhismayaasha oo duqoobay ah, waxana uu jaaliyada ka codsaday in aysan sugin wadamo shisheeye ee ay wax ka qabtaan oo gacan ka gaystaan sidii dib loogu habayn lahaa xabsiyada.

Xeer ilaaliyaha guud ee qaranka waxa uu ka sheekeeyay in xarunta xeer ilaaliyaha markuu imaanayay ay ahayd meel aad u dayacan, balse maanta ay ka fiicantahay shalay, walina ay u bahany ihiin isbadal dhan walbaa, iyaga oo ku tashanaya dadkooda iyo ganacsatadooda.

Qadiyada  Badda  Soomaaliya

Inbadan ayuu ku dheeraaday arrimaha dadku wax iska weydiiyaan ee xaduud badeedka Soomaaliya iyo Kenya isaga oo dadka u sharaxay sida Runtaa ee wax u jiraan iyo in xaalada badda ay meel fiican mareyso islamarkaana aysan ogolaan doonin in taako ka mid ah bada Somalia la qaato.

Waxa uu ahaa kulan aad u xiiso badan islamarkaana laga dhaxlay xog waraysi qoto dheer, waxana uu horay u soo maray Soomaalida Minnesota oo sidan oo kale uu ula soo kulmay.

an.IMG_8127 IMG_9522 IMG_9544 IMG_9546 IMG_9547 IMG_9565 IMG_9568 IMG_9575 IMG_9580 IMG_9592 IMG_9593 IMG_9595 IMG_9599 IMG_9629 IMG_9647 IMG_9666 IMG_9685 IMG_9687 IMG_9701 IMG_9705 IMG_9731 IMG_9743 IMG_9775 IMG_9783 (1) IMG_9783 IMG_9794 IMG_9801 IMG_9828 IMG_9846 IMG_9849 IMG_9894 IMG_9898 IMG_9901 IMG_9926 IMG_9928 IMG_9934 IMG_9940 IMG_9961 (2) IMG_9962 (2) IMG_9968 IMG_9969 (2) IMG_9969 IMG_9975 IMG_9981 IMG_9992

Sawir Qaade:- Wariyaha Warbaahinta Qaranka Ee Dalka Mareykanka Deeqo Shire (SONNA)

 

Did you like this? Share it:

LEAVE A REPLY

Please enter your comment!
Please enter your name here