Xeer-ilaaliye ku-xigeenka guud ee Maxkamada Ciidamada Qalabka sida ee Soomaaliya oo kormeer shaqo ku tagay Taliska Booliiska Magaalada Dhuusamareeb

Taliyaha saldhiga Booliiska Magaalada Dhusamareb ee xarunta maamulka Galmudug ahna Taliyaha Xasilinta Caasimada Gaashaanle C/lahi Xassan Macallin ayaa Taliska Booliiska Dhusamareb ku soo dhoweeyey maanta Xeer-ilaaliye ku-xigeenka guud ee Maxkamada Ciidamada Qalabka sida Dhamme Maxamed C/qaadir Maxamed waxa uuna kormeer Shaqo ku sameeyey xafiisyada Taliska sida Xafiiska Taliyaha, Xafiiska qabashada dacwadaha iyo xabsiga oo uu ugu tagay maxaabiis u xiran eedaymo kala duwan.

Taliyaha Booliiska Dhusamareb ayaa uga mahad celiyey Booqashada iyo Kormeerka uu ugu yimid Xeer-ilaaliye ku-xigeenka Maxkamada Ciidamada Qalabka sida Dhamme Maxamed C/qaadir Maxamed taas oo u gogol xaaraysa in Maxkamadu wax ka ogaato marxaladahaha ka jira talisyada Booliiska iyo xabsiyada ka howlgala Gobolada Dalka.

Dhamme Maxamed C/qaadir Maxamed ayaa dhankiisa waxa uu amaanay shaqada  taliska Booliiska magaalada Dhusamareb qabteen, waxa uuna xusay in guul weyn laga gaaray xaqiijinta amniga magaalada.

LEAVE A REPLY

Please enter your comment!
Please enter your name here